پرايمەريز تۋرالى ەلباسى, "Nur Otan" پارتياسىنىڭ توراعاسى ن.نازارباەۆ ۇستىمىزدەگى جىلى ناۋرىز ايىندا وتكەن پارتيانىڭ ساياسي كەڭەسى بيۋروسىنىڭ وتىرىسىندا "بۇل پارتيا اتىنان ماسەلەلەردى شەشەتىن ەڭ بەلسەندى جانە سەنىمدى مۇشەلەردى انىقتاۋعا مۇمكىندىك بەرەتىن دۇرىس شەشىم دەپ سانايمىن" دەگەن ەدى. وسىلايشا حالىقارالىق تاجىربيەدە مويىندالعان پارتياىشىلىك ىرىكتەۋ ءتاسىلىن ەلىمىزدە العاشقىلاردىڭ ءبىرى بولىپ "Nur Ota" پارتياسى قولدانىسقا ەنگىزدى.
ياعني پارتيا الداعى سايلاۋلارعا ۇسىنىلاتىن ادال, ىسكەر, ەل سەنەتىن تۇلعالاردى ىرىكتەپ الماق. پارتيانى جاڭعىرتۋ باعدارلاماسىندا كورسەتىلگەن پرايمەريز ارقىلى اشىقتىق پەن جاريالىلىققا باعىت العان ەلىمىزدىڭ ساياسي تاريحىندا مəسليحات پەن مəجىلىسكە دەپۋتاتتىققا ۇمىتكەرلەردى ىرىكتەۋ تۇڭعىش رەت پرايمەريز ءتاسىلى ارقىلى وتپەك. پرايمەريز فورماتى جاڭاشىل ازاماتتاردى ىرىكتەيدى. وسىلايشا, سايلاۋشىلاردىڭ مۇددەلەرىن بىلدىرە الاتىن, بەلسەندى ازاماتتار, ودان ءارى پارتيالىق تىزىمدەرگە ەنگىزۋ ءۇشىن ىرىكتەلەدى.
بۇگىندە "Nur Otan" پارتياسىنىڭ اقمولا وبلىسىندا 276 باستاۋىش پارتيا ۇيىمىنا بىرىكككەن 39 994 پارتيا مۇشەسى بار. 248 داۋىس بەرۋ ورنى مەن دەبات وتكىزەتىن 201 ورىن جاساقتالدى. ەلدەگى كارانتين جاعدايىنا بايلانىستى پارتياىشىلىك سايلاۋ «ونلاين» فورماتىندا جۇرگىزىلەدى. ۇمىتكەرلەرگە داۋىس بەرۋ پارتيا مۇشەلەرى اراسىندا جۇرگىزىلەدى.
پاندەمياعا بايلانىستى پرايمەريز وتكىزۋ ەرەجەسىنە وزگەرىستەر ەنگىزىلىپ, داۋىس بەرۋ ونلاين-فورماتتا وتكىزىلەتىن بولدى. بۇل ازاماتتار دەنساۋلىعىنىڭ قاۋىپسىزدىگى جانە اشىقتىق پەن قولجەتىمدىلىكتى ارتتىرۋ ءۇشىن جاسالعان ناقتى قادام دەپ قابىلداۋىمىز قاجەت. وڭىردەگى ينتەرنەتى باياۋ 7 شالعاي ەلدى مەكەندەردە 338 ادام ءداستۇرلى فورماتتا بيۋللەتەن ارقىلى داۋىس بەرەدى. مۇنداي ەلدى مەكەندەردە باستاۋىش پارتيا ۇيىمدارىنىڭ بازاسىندا ءداستۇرلى تۇردەگى داۋىس بەرۋ جۇرگىزىلەدى. بارلىق داۋىس بەرۋ بارىسىنان فوتو-بەينەجازبا جۇرگىزۋدى جوسپارلاپ وتىرمىز. سوندىقتان, پرايمەريز بارىنشا ءادىل, ءارى اشىق وتەتىندىگىنە سەنىم مول. نەگىزىنەن پرايمەريزدىڭ وتكىزىلۋىن باقىلاۋدى پارتيالىق باقىلاۋ كوميتەتى, وڭىرلىك جانە اۋماقتىق پارتيالىق باقىلاۋ كوميسسيالارى جۇزەگە اسىرادى. سونداي-اق, ۇمىتكەرلەردىڭ پارتيا مۇشەسى بولىپ تابىلاتىن سەنىمدى وكىلدەرى دە داۋىس بەرۋ پروتسەسىنە بايقاۋشى رەتىندە قاتىسا الادى.
اقمولا وبلىسى
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
