الاكول اۋدانىندا اۋىز سۋ جۇيەسىنىڭ قۇرىلىسى, ەمحانا مەن مادەنيەت ۇيىنە كۇردەلى جوندەۋ جۇمىستارى جۇرگىزىلۋدە, سونىمەن قاتار جالپى سوماسى 4 ملرد 717 ملن تەڭگەنى قۇرايتىن تاعى 53 جوبا ىسكە اسىرىلۋدا. «جۇمىسپەن قامتۋدىڭ جول كارتاسى» بويىنشا مۇندا 1200-گە جۋىق جۇمىس ورنى اشىلعان.
كوكسۋ اۋدانىنىڭ بالپىق بي اۋىلىندا اۋىز سۋ جۇيەسىنىڭ قۇرىلىسى ءجۇرىپ جاتىر. مۇندا «نۇرلى جەر» باعدارلاماسى بويىنشا كوپ پاتەرلى تۇرعىن ءۇي سالىنۋدا, سونىڭ ارقاسىندا جاقىندا اۋدان ورتالىعىنان 60 وتباسى قونىس تويىن تويلايدى. ال قاراتال اۋدانىندا سەناتور ۇشتوبە قالاسىنىڭ ورتالىق الاڭىن كۇردەلى جوندەۋ بارىسىمەن تانىسىپ, قۇرىلىس-مونتاجداۋ جۇمىستارى جۇرگىزىلىپ جاتقان باسقا دا الەۋمەتتىك نىسانداردى ارالادى.
تەكەلى قالاسىندا جۇمىسپەن قامتۋدىڭ جول كارتاسىنىڭ اياسىندا 13 نىسان سالىنىپ, جوندەلەدى, مۇندا بۇگىنگە دەيىن 400-دەن استام جاڭا جۇمىس ورنى اشىلعان. وسى ماقساتقا شامامەن 2 ملرد تەڭگە بولىنگەن. بوس جۇمىس ورىندارىنىڭ جارتىسىنان كوبى قىزمەتكەرلەرمەن تولىققان. مۇندا سەناتور قالالىق ءماسليحات دەپۋتاتتارىمەن دە كەزدەستى. كەزدەسۋ بارىسىندا ن.قىلىشباەۆ قوعامدىق كەڭەستەر مەن ءماسليحاتتار تاراپىنان مەملەكەتتىك قاراجاتتىڭ پايدالانىلۋىنا باقىلاۋدى كۇشەيتۋ قاجەتتىگىن اتاپ ءوتتى.
ەسكەلدى اۋدانىندا سەناتور 22 ءبىلىم بەرۋ نىسانى مەن 16 تۇرعىن ءۇي-كوممۋنالدىق شارۋاشىلىق نىساندارىنداعى جوندەۋ جۇمىستارىن تەكسەردى. ءار اۋدان مەن كەنتتە سەناتور ازاماتتاردى جەكە قابىلدادى. جەرگىلىكتى تۇرعىندار ەل حالقىنىڭ ءومىر ءسۇرۋ دەڭگەيىن جاقسارتۋ بويىنشا تۋىنداعان پروبلەمالار مەن تىلەكتەرىن جەتكىزدى. سەناتور پارلامەنتتىڭ الداعى جۇمىسىندا ازاماتتاردىڭ بارلىق ءوتىنىش-تىلەكتەرىن ەسكەرۋگە ۋادە بەردى.
* * *
سەنات دەپۋتاتتارى ن.بەكنازاروۆ پەن ا.قاپباروۆا شىمكەنت قالاسىنداعى سيتۋاتسيالىق شتابتا بولىپ, دەنساۋلىق ساقتاۋ ۆيتسە-ءمينيسترىنىڭ قاتىسۋىمەن وتكەن ايماقتاعى ەپيدەميالىق احۋال ماسەلەلەرى جونىندەگى كەڭەسكە قاتىستى.
شىمكەنتتە كۆي جۇقتىرۋدىڭ 5 مىڭنان استام جاعدايى تىركەلگەن. بىراق اۋرۋ دەڭگەيى تومەندەۋدە, بۇگىنگە دەيىن 4 285 پاتسيەنت ەمدەلىپ, ۇيلەرىنە ورالدى. قالالىق دەنساۋلىق ساقتاۋ ماماندارى پنەۆمونيا تۋرالى مالىمەتتەردى دە حابارلادى: جىل باسىنان بەرى 15 300-دەن استام جاعداي تىركەلگەن, 11 620 ناۋقاس ساۋىعىپ شىققان. اكىمدىك كوروناۆيرۋسپەن جانە پنەۆمونيامەن اۋىراتىن ناۋقاستاردى قابىلداۋ جانە ەمدەۋ ءۇشىن 3 مىڭعا جۋىق توسەكتىك ورىن جاساقتاعان.
شتاب وتىرىسىندا سەناتورلار مەن دەنساۋلىق ساقتاۋ سالاسى وكىلدەرى پاندەميامەن ودان ءارى كۇرەس شارالارىن تالقىلادى. قالالىق دەنساۋلىق ساقتاۋ ماماندارى ەپيدەميا قايتالانعان جاعدايدا شىمكەنتتىڭ بارلىق مەديتسينالىق مەكەمەلەرى ەكى ايلىق ءدارى-دارمەك قورىمەن قامتاماسىز ەتىلگەنىن ايتتى. سونىمەن قاتار دارىگەرلەردىڭ بىلىكتىلىگىن ارتتىرۋ ماقساتىندا ارنايى سەمينارلار مەن باسقا دا پروفيلاكتيكالىق ءىس-شارالار وتكىزىلىپ كەلەدى. قالا بويىنشا 211 ءموبيلدى بريگادا قۇرىلىپ, ولار قازىردىڭ وزىندە 22 مىڭنان استام ناۋقاسقا ۇيدە كومەك كورسەتىپ ۇلگەرگەنىن ايتقان ءجون.
سەناتورلار جەرگىلىكتى اتقارۋشى ورگاندارعا سانيتارلىق تالاپتاردى ساقتاۋ جانە پاندەميامەن كۇرەستە الدىڭعى شەپتە جۇرگەن دارىگەرلەردى كوتەرمەلەۋ قاجەتتىلىگى تۋرالى ەسكە سالدى. دەپۋتاتتار ساپار بارىسىندا سەناتورلار اۋرۋحانالارعا, دارىحانالارعا جانە جەدەل جاردەم ستانساسىنا باردى.
* * *
سەنات دەپۋتاتى ع.دۇيسەمباەۆ اتىراۋ وبلىسىنىڭ قۇرمانعازى اۋدانىندا بولىپ, 75 ورىندىق جاڭا اۋرۋحانانىڭ قۇرىلىسىمەن تانىستى. كلينيكادا 10 ورىندىق ينفەكتسيالىق بولىمشە, 10 ورىندىق بالالار بولىمشەسى, سونىمەن قاتار اس بلوگى, كىر جۋاتىن ورىن, مەديتسينالىق قالدىقتاردى كادەگە جاراتۋعا ارنالعان پوليگون بولادى. اۋرۋحانانىڭ اينالاسىندا ەمدەلۋشىلەردىڭ دەمالىسى مەن قالپىنا كەلۋىنە بارلىق جاعداي جاسالعان. اۋرۋحانادا تولىققاندى جانە جوعارى مامانداندىرىلعان مەديتسينالىق كومەك كورسەتۋ ءۇشىن زاماناۋي جابدىقتار ورناتىلادى. جوبانىڭ قۇنى شامامەن 2,5 ملرد تەڭگە. سەناتور مەديتسينا قىزمەتكەرلەرىمەن كەزدەسىپ, پاتسيەنتتەردىڭ جاعدايى مەن دەنساۋلىق ساقتاۋ سالاسىنىڭ پروبلەمالىق ماسەلەلەرىن تالقىلادى. سونداي-اق دەپۋتات اتىراۋ – استراحان اۆتوكولىك جولى, اقكول اۋىلىنداعى 290 ورىندىق بالاباقشا, قۇرمانعازى – بىرلىك تاس جولى قۇرىلىسىنىڭ ساپاسىمەن, شارون وزەنىنىڭ ءتۇبىن تەرەڭدەتۋ جۇمىسىمەن جانە حيۋاز اۋىلىنداعى مادەنيەت ءۇيىنىڭ جوباسىمەن دە تانىستى.
