SARS-CoV-2 باتىس جارتى شاردى تۇتاستاي شىر اينالدىرىپ تۇر دەسە دە ارتىق ايتقاندىق ەمەس. ەڭ الدىڭعى ورىندا اقش, ودان كەيىنگى برازيليا الەم بويىنشا ۆيرۋس شىرماۋىنا تۇسكەن مەملەكەتتەردىڭ ءبىرىنشى جانە ەكىنشى باسپالداعىندا دەيدى ربك.
ءبىر ەلدە 5,4 ملن ادامنىڭ COVID-19جۇقتىرعانىن كوزگە ەلەستەتۋ قيىن بولعانىمەن الپاۋىت اقش كۆي-مەن كۇرەسىن جالعاستىرۋمەن كەلەدى. ايتسەدە اۋرۋدان دەمى ۇزىلگەندەردىڭ سانى جونىنەن نيۋ-يورك شتاتى (32 840 ادام), نيۋ-دجەرسي (15 912 ), ال ءۇشىنشى كورسەتكىشكە كاليفورنيا شتاتى شىعىپ (11 234) وتىر.
مامىر ايىندا ۆاشينگتون ۋنيۆەرسيتەتىنىڭ ادام ءومىرىنىڭ ساپاسى مەن ۇزاقتىعىن زەرتتەيتىن ينستيتۋتىنىڭ ديرەكتورى دوكتور كريستوفەر ميۋررەي اقش-تا ۆيرۋس قۇرباندارى 147 مىڭ ادامدى قۇرايتىن بولادى دەپ بولجاعان ەدى. ال ول بولجامنان بۇگىنگى جاعداي اسىپ كەتتى جانە دە بۇگىن ەرتەڭ توقتاي قويادى دەپ بىردەڭە ايتۋ دا قيىن.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
