17 تامىز كۇنى اۋستراليا دەنساۋلىق ساقتاۋ مينيسترلىگىنىڭ ءباسپاسوز قىزمەتى 24 ساعات ىشىندە ەلدە جاڭادان اۋرۋ جۇقتىرعانداردىڭ 289-عا ارتقانىن, ال بارلىعى 23 576 اۋستراليالىقتان ۆيرۋس تابىلىپ, پاندەميا جاريالانعالى 14 080 پاتسيەنتتىڭ جازىلىپ شىققانىن ايتادى. سونداي-اق ءباسپاسوز قىزمەتى اۋرۋحانالاردا 680 ادام ەمدەلۋ ۇستىندە, ال ولاردىڭ ىشىندە 47 پاتسيەنتتىڭ قارقىندى ەم قابىلداپ دارىگەرلەردىڭ ءجىتى باقىلاۋىندا ەكەنىن جەتكىزگەن.
SARS-CoV-2-ءنى انىقتاۋ ءۇشىن 5,3 ملن تەست تاپسىرىلىپ, ماتەريكتەگى جالپى كوز جۇمعانداردىڭ سانى 421 ادام بولعان. اسىرەسە ۆيكتوريا شتاتى تۇرعىندارىن ىندەت شارپۋى وزگە ايماقتارعا قاراعاندا جوعارى ەكەن. جالپى تىزىمدەگى اۋىرعانداردىڭ 17 047-ءىن وسى ۆيكتوريالىقتار قۇراعان سوڭ مۇنداعى كارانتين 13 قىركۇيەككە دەيىن سوزىلىپ وتىر.
