كىسى ءولىمى 15 تامىز سەنبىگە قاراعان ءتۇنى بولدى. ەر ادامدى ءوز ۇيىندە بەلگىسىز بىرەۋ پىشاقتاپ كەتكەن. جاراقات العان ازامات شەلەك اۋىلىنىڭ اۋرۋحاناسىنا جەتكىزىلدى, بىراق ونى قۇتقارۋ مۇمكىن بولمادى. ازامات العان جاراقاتىنان قايتىس بولدى.
اتالعان فاكتى بويىنشا قر قىلمىستىق كودەكسىنىڭ 99-بابىنىڭ 1-بولىگى (ادام ءولتىرۋ) بويىنشا سوتقا دەيىنگى تەرگەۋ باستالدى. كۇدىكتىلەردى ۇستاۋعا باعىتتالعان جەدەل-تەرگەۋ شارالارى جۇرگىزىلۋدە. جاعداي جەرگىلىكتى اتقارۋشى جانە قۇقىق قورعاۋ ورگاندارىنىڭ باقىلاۋىندا. الماتى وبلىسىنىڭ پوليتسيا دەپارتامەنتى مەملەكەتتىك ورگانداردىڭ رەسمي مالىمەتتەرىنە عانا سەنۋ كەرەكتىگىن, سونداي-اق جالعان اقپارات تاراتقانى ءۇشىن قىلمىستىق جاۋاپكەرشىلىك بارىن ەسكەرتەدى.
