ايماقتار • 15 تامىز، 2020

قىزىلوردا وبلىسىنىڭ اكىمى بيزنەس قاۋىمداستىعىنىڭ وكىلدەرىمەن كەزدەستى

100 رەت كورسەتىلدى

بۇگىن وبلىس اكىمى گۇلشارا ابدىقالىقوۆا وڭىردەگى بيزنەس وكىلدەرىمەن كەزدەستى. جيىندا وتاندىق ءونىم ءوندىرۋ جانە جەرگىلىكتى تاۋاروندىرۋشىلەردى قولداۋ شارالارى مەن وندەۋ سالالارىنىڭ دامۋى تۋرالى ماسەلەلەر جان-جاقتى تالقىلاندى. بۇل تۋرالى  Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ حابارلايدى.

كارانتين كەزىندە كاسىپكەرلەردى قولداۋ باعىتىندا بىرقاتار شارالار اتقارىلدى. اتاپ ايتقاندا، سالىق جۇكتەمەسىن ازايتۋ، كاسىپكەرلىك نىسانداردى تەكسەرۋدى شەكتەۋ، بيزنەستى قارجىلاندىرۋدىڭ قولجەتىمدىلىگىن ارتتىرۋ، باسىم باعىتتاردى قولداۋ تەتىگىن كۇشەيتۋ جانە نەسيە مولشەرلەمەسىن تومەندەتۋدە بيزنەس يەلەرىنە جاردەم بەرىلدى.

وڭىردە 51 مىڭنان اسا كاسىپكەر سالىق جەڭىلدىگىن السا، 9 مىڭعا جۋىق بيزنەس يەلەرى مىندەتتى الەۋمەتتىك مەديتسينالىق ساقتاندىرۋ تولەمىنەن بوساتىلدى. سونىمەن بىرگە شاعىن ورتا كاسىپ سۋبەكتىلەرىنە مەملەكەتتىك م ۇلىكتى جالعا بەرۋدە 365 قوسىمشا كەلىسىمدەر جاسالدى.

مۇنان بولەك، ايماقتا 8 مىڭعا جۋىق شاعىن كاسىپ يەلەرى نەسيەنى كەيىنگە شەگەرۋ مۇمكىندىگىنە يە بولدى. بۇل قولداۋدى 15 قىركۇيەككە دەيىن ۇزارتۋ جۇمىستارى جۇرۋدە.

كارانتين جاعدايىنا قاراماستان، مەملەكەتتىك باعدارلامالار اياسىندا نەسيە پورتفەلىنەن 9،6 ملرد تەڭگە قارالىپ، 600 جوباعا قولداۋ كورسەتىلگەن. جىل اياعىنا دەيىن تاعى 700-گە جۋىق جوبا قولداۋ تابادى.

كەزدەسۋ بارىسىندا وبلىس اكىمى ەكىنشى دەڭگەيلى بانكتەرمەن كەلىسىم جاساۋدا نەسيەلىك ليميتتەردى ۇزارتۋ ماسەلەسىن قوزعادى.

"بۇگىنگى كۇنى كارانتين جاعدايىن ەسكەرە وتىرىپ، ەكىنشى دەڭگەيلى بانكتەردىڭ باسشىلارىمەن كەپىل ساياساتىنا قويىلاتىن تالاپتاردى جەڭىلدەتۋ تۋرالى كەلىسسوزدەر جۇرگىزۋدەمىز. سونىمەن بىرگە بانكتەردىڭ فيليالىن اشۋ ماسەلەلەرىن قاراپ جاتىرمىز"، - دەدى وبلىس اكىمى.

كارانتين ۋاقىتىندا بيزنەستى قولداۋ باعىتىنا ارنالعان باعدارلامالارعا قارجى ءبولۋ توقتاعان ەمەس. ماسەلەن، "قاراپايىم زاتتار ەكونوميكاسى" باعدارلاماسىنا بولىنەتىن قارجى 1،5 ەسەگە، "بيزنەستىڭ جول كارتاسى 2025" باعدارلاماسىنا قارالعان قارجى 2 ەسەگە ارتقان.

جيىن بارىسىندا ءوڭىر باسشىسى بيزنەس يەلەرىنە وندەۋ ونەركاسىبىن دامىتۋعا شاقىرىپ، بەلسەندى ينۆەستيتسيا تارتىپ، ايماقتىڭ ەكونوميكالىق دامۋ كورسەتكىشىن جاقسارتۋ ارقىلى ايماق حالقىنىڭ الەۋمەتتىك احۋالىن جاقسارتۋ قاجەتتىگىن اتاپ ءوتتى.

"قازىر ءبىزدىڭ وڭىردە 6 ءىرى جوبا ىسكە اسىپ جاتىر. وسى جوبالار اياسىندا ءوندىرىس ورىندارىن اشىپ الۋعا بولادى. ماسەلەن، تسەمەنت زاۋىتى ارقىلى قاپشىقتار شىعارىپ، دولوميتۇندارىن شىعاراتىن كاسىپورىن قۇرۋعا مۇمكىندىگىمىز بولادى"، - دەدى ايماق باسشىسى.

كەزدەسۋ سوڭىندا وبلىس اكىمى سالا باسشىلارىنا بىرقاتار ناقتى تاپسىرما جۇكتەپ، مەملەكەت پەن بيزنەستىڭ ارىپتەستىگىن دامىتۋعا ۇلەس قوسىپ جۇرگەن كاسىپكەرلەرگە العىسىن جەتكىزدى.

سوڭعى جاڭالىقتار

ەكپە سالدىرۋدا بەلسەندىلىك بايقالادى

كوروناۆيرۋس • بۇگىن، 14:10

چارلو شايقاسقا شاقىرۋدان شارشامايدى

كاسىپقوي بوكس • بۇگىن، 13:27

ەلوردا «قىزىل» ايماقتان شىقتى

كوروناۆيرۋس • بۇگىن، 09:22

الەم چەمپيوناتى باستالدى

سپورت • بۇگىن، 09:09

قۇندى ەرتوقىم

ەلوردا • بۇگىن، 09:05

تىڭ سەرپىلىس بايقالمايدى

سپورت • بۇگىن، 08:59

اسەرلى «ادەبيەت كۋرستارى»

وقيعا • بۇگىن، 08:54

تاۋەلسىزدىك تاعىلىمى

تاۋەلسىزدىكتىڭ 30 جىلدىعى • بۇگىن، 08:52

ون ءبىرىنشى پالاتا

مەديتسينا • بۇگىن، 08:45

جارقىننىڭ جاقسىلىعى

ايماقتار • بۇگىن، 08:39

تىلسىم كۇشپەن ءتىل تابىسقان

تاريح • بۇگىن، 08:36

قىلقالام ۇشىنداعى قۇدىرەت

ونەر • بۇگىن، 08:35

قازاقستان دالاسى قۇرعاپ بارادى

ەكولوگيا • بۇگىن، 07:55

قۇمعا سىڭگەن سۋداي سۋبسيديا

قوعام • بۇگىن، 07:49

دۇبىردەن تۋعان ولەڭ

ادەبيەت • بۇگىن، 07:39

كۇلكىنى ازايتساق قايتەدى؟

قوعام • بۇگىن، 07:39

ۇقساس جاڭالىقتار