قازاقستان پارلامەنتى ءماجىلىسىنىڭ توراعاسى نۇرلان نىعماتۋلين ءبىزدىڭ ەلىمىزگە رەسمي ساپارمەن كەلگەن ۆەنگريا مەملەكەتتىك جينالىسىنىڭ توراعاسى لاسلو كيوۆەرمەن كەزدەستى, دەپ حابارلادى وسى پالاتانىڭ ءباسپاسوز قىزمەتى.
قازاقستان پارلامەنتى ءماجىلىسىنىڭ توراعاسى نۇرلان نىعماتۋلين ءبىزدىڭ ەلىمىزگە رەسمي ساپارمەن كەلگەن ۆەنگريا مەملەكەتتىك جينالىسىنىڭ توراعاسى لاسلو كيوۆەرمەن كەزدەستى, دەپ حابارلادى وسى پالاتانىڭ ءباسپاسوز قىزمەتى.
جۇزدەسۋ بارىسىندا تاراپتار ىنتىماقتاستىقتىڭ ماڭىزدى ماسەلەلەرىن تالقىلادى. نۇرلان نىعماتۋليننىڭ اتاپ وتكەنىندەي, ۆەنگريا – قازاقستاننىڭ ورتالىق جانە شىعىس ەۋروپاداعى ماڭىزدى ساياسي جانە ەكونوميكالىق ارىپتەسى.
قوس مەملەكەت اراسىنداعى سىرتقى ساۋدا اينالىمى 2012 جىلى 258 ملن. اقش دوللارىن قۇراعان. قازىرگى ۋاقىتتا ەلىمىزدە 49 قازاقستاندىق-ۆەنگريالىق ءبىرلەسكەن كاسىپورىنى جۇمىس ىستەيدى.
حالىقارالىق ساياساتتاعى وزەكتى ماسەلەلەرگە كەلەتىن بولساق, كەزدەسۋ يەلەرى قازاقستان مەن ۆەنگريانى ايماقتىق قاۋىپسىزدىك پەن تۇراقتىلىقتى نىعايتۋداعى ۇقساس ۇستانىمدار بىرىكتىرەتىندىگى تۋرالى ورتاق پىكىرلەرىن جەتكىزدى.
سونىمەن قاتار, نۇرلان نىعماتۋلين قازاقستان پرەزيدەنتى نۇرسۇلتان نازارباەۆتىڭ اۋقىمدى باستامالارىنىڭ ارقاسىندا ءبىزدىڭ مەملەكەتىمىزدىڭ سىرتقى ساياساتتاعى كوكەيكەستى تاقىرىپتار تالقىلاناتىن, بەدەلدى حالىقارالىق سۇحبات الاڭى رەتىندە تانىلعاندىعىن باسا اتاپ ءوتتى.
ءوز كەزەگىندە لاسلو كيوۆەر قازاقستان-ۆەنگريا قارىم-قاتىناس دەڭگەيىنە, سونداي-اق, نۇرسۇلتان نازارباەۆتىڭ باسشىلىعىنىڭ ارقاسىندا ءبىزدىڭ ەلىمىزدىڭ جەتكەن جەتىستىكتەرىنە جوعارى باعا بەردى.
پارلامەنتارالىق ارىپتەستىككە دە باسا ءمان بەرىلىپ, تاراپتار قازاقستان مەن ۆەنگريا پارلامەنتتەرى اراسىندا ۇزدىكسىز دامۋ جولىنا تۇسكەن سىندارلى سۇحبات ورناعانىن تىلگە تيەك ەتتى. ماجىلىستە ۆەنگريامەن ىنتىماقتاستىق جونىندە 9 دەپۋتاتتان تۇراتىن توپ جۇمىس ىستەيدى, ال ۆەنگريا پارلامەنتىندە قازاقستانمەن دوستىق توبىندا 17 دەپۋتات بار.
ءماجىلىس توراعاسى پارلامەنتارالىق بايلانىستار مەن ەكىجاقتى قاتىناستاردى, اسىرەسە, ءبىزدىڭ ەلىمىزدىڭ الەۋمەتتىك-ەكونوميكالىق جاڭعىرتۋ جانە ساياسي دامۋىنىڭ جاڭا باعىتىنىڭ نەگىزى بولىپ تابىلاتىن «قازاقستان-2050» ستراتەگياسىن جۇزەگە اسىرۋ اياسىندا ودان ءارى دامىتۋدىڭ ماڭىزدىلىعىنا توقتالدى.
نۇرلان نىعماتۋلين مەن لاسلو كيوۆەردىڭ اتاپ وتكەنىندەي, سالالىق كوميتەتتەر مەن ىنتىماقتاستىق جونىندەگى توپتار اراسىندا زاڭ شىعارماشىلىق جۇمىستار بويىنشا تاجىريبە الماسۋدىڭ, سونداي-اق, حالىقارالىق پارلامەنتتىك ۇيىمدار اياسىندا ءوزارا قولداۋ كورسەتۋدىڭ ءمانى زور.
ءماجىلىس توراعاسى مەن ۆەنگريا مەملەكەتتىك جينالىسىنىڭ سپيكەرى قازاقستان مەن ۆەنگريانىڭ كەلەشەكتە دە ءوزارا ءىس-قيمىلدى, سونىڭ ىشىندە پارلامەنتارالىق دەڭگەيدە تابىستى دامىتۋ بولاشاعىنىڭ زور ەكەنىن اتاپ ءوتتى.
