تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ قۇرامىندا 224 اۋداندىق باسقارماسى بار 18 اۋماقتىق دەپارتامەنتىنىڭ ماماندارى كولىكپەن قامتاماسىز ەتىلدى.
مىسالى, 29 كولىك الماتى وبلىسىنىڭ اۋداندىق باسقارمالارى اراسىندا ءبولىنىپ بەرىلدى. كەگەن, اقسۋ, قاراتال, بالقاش سياقتى شالعايداعى وڭىرلەر مامانداندىرىلعان اۆتوكولىكپەن قامتاماسىز ەتىلدى. 7 مامانداندىرىلعان ماشينا باتىس قازاقستان وبلىسىنا جەتكىزىلدى.
پاندەميامەن كۇرەسۋدەن باسقا, بۇل اۆتوكولىك ينفەكتسيالىق اۋرۋلاردىڭ باسقا دا قاۋىپتى ەپيدەميولوگيالىق وشاقتارىن ۋاقتىلى تەكسەرۋدە تاپتىرمايتىن قۇرال. ايتا كەتەيىك, قازاقستاننىڭ اۋماعىندا اسا قاۋىپتى ينفەكتسيالار – وبا, تۋليارەميا, گەمورراگيالىق قىزبا (كقگق, بگق), ءسىبىر جاراسى جانە باسقا دا زوونوزدىق ينفەكتسيالاردىڭ بەلسەندى تابيعي وشاقتارى بار. كوبىنەسە, مونيتورينگىلەۋ راديۋسى 300 شاقىرىمنان اسادى.
بۇگىنگى كۇنگە دەيىن سانيتاريالىق-ەپيدەميولوگيالىق قىزمەتتىڭ كولىك پاركىنىڭ توزۋى 90% قۇرادى, ءىشىنارا جوندەۋ 10 جىلدان استام ۋاقىت بۇرىن جۇرگىزىلگەن.
