«نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى بەرىك شارىپكە قاتىستى 2 اي مەرزىمگە تۇتقىنعا الۋ تۇرىندەگى بۇلتارتپاۋ شاراسىنا سانكتسيا بەردى», - دەدى ەلوردالىق سوتتىڭ ءباسپاسوز حاتشىسى بوتاگوز بايانوۆا. بۇعان دەيىن قر سىبايلاس جەمقورلىققا قارسى ءىس-قيمىل اگەنتتىگى ءبىرىنشى دەپارتامەنتىنىڭ اسا ماڭىزدى ىستەر جونىندەگى تەرگەۋشىسى دانيار بيعايداروۆ «سك فارماتسيا» جشس-نىڭ بۇرىنعى باسقارما توراعاسى ۇستالىپ, نۇر-سۇلتان قالالىق پوليتسيا دەپارتامەنتىنىڭ ۋاقىتشا تەرگەۋ يزولياتورىنا قامالعانىن ايتقان ەدى. مەملەكەت باسشىسى قاسىم-جومارت توقاەۆتىڭ توراعالىعىمەن وتكەن ۇكىمەتتىڭ كەڭەيتىلگەن وتىرىسىندا ءمامس قورى مەن «سق فارماتسيا» باسشىلارىن جۇمىستان شىعارۋدى تاپسىرعان بولاتىن. كەيىن «سق فارماتسيا» قىزمەتىندە تەكسەرۋ باستالدى.
