ايماقتار • 14 تامىز، 2020

بيىل الماتى وبلىسىندا 8 جاڭا مەكتەپ پايدالانۋعا بەرىلەدى

21 رەت كورسەتىلدى

بيىلعى جىلى مەملەكەت قولداۋىنىڭ ارقاسىندا الماتى وبلىسىندا 32 ءبىلىم نىسانىنىڭ قۇرىلىسى جۇرۋدە. سونىڭ 23-ءى مەكتەپ، 4-ەۋى – جاتاقحانا. بۇل تۋرالى Egemen.kz الماتى وبلىسى اكىمىنىڭ ءباسپاسوز قىزمەتىنە سىلتەمە جاساپ حابارلايدى.

سونىمەن قاتار "جۇمىسپەن قامتۋ جول كارتاسى" شەڭبەرىندە جالپى سوماسى 27 ملرد تەڭگە بولاتىن 1500 ورىندىق  تاعى 6 مەكتەپتىڭ قۇرىلىسى جوسپارلانعان. تالدىقورعاندا 288 ورىندىق جاتاقحانا، قاراساي اۋدانى ايتەي اۋىلىندا 1200 ورىندىق مەكتەپ، كەگەن اۋدانى ساتى اۋىلىنداعى ا.تۇركەباەۆ اتىنداعى مەكتەپتىڭ سپورت جانە ءماجىلىس زالدارى مەن اس ازىرلەيتىن بولىگىنىڭ قۇرىلىسى اياقتالدى.

الداعى 1 قىركۇيەكتە 6 مەكتەپ ىسكە قوسىلادى. اتاپ ايتقاندا، بۇلار - جالپى ورنىنىڭ سانى 2600 بولاتىن جامبىل اۋدانى جايساڭ اۋىلىنداعى، ىلە اۋدانى تۇيمەباەۆ اۋىلىنداعى، قاراساي اۋدانى شامالعان ستانساسى مەن ايتەي اۋىلىنداعى، كەربۇلاق اۋدانى قوساعاش اۋىلىنداعى، كوكسۋ اۋدانىنىڭ قىزىلتوعان اۋىلىنداعى مەكتەپتەر. ال سوڭىنا دەيىن تاعى 480 ورىندىق 2 مەكتەپ – جامبىل اۋدانى قاسىمبەك اۋىلىنداعى جانە ەسكەلى اۋدانىنىڭ اباي اۋىلىنداعى مەكتەپتەر پايدالانۋعا بەرىلمەك. ءسويتىپ، بيىلعى جىلى 8 جاڭا مەكتەپ بالالاردىڭ يگىلىگىنە ۇسىنىلاتىن بولادى. 

2020 جىلى "جۇمىسپەن قامتۋ جول كارتاسى" جانە "اۋىل-ەل بەسىگى" باعدارلامالارى اياسىندا جانە جەرگىلىكتى بيۋدجەتتەن جالپى سوماسى 23،9 ملرد. تەڭگەگە 55 ءبىلىم نىسانىندا كۇردەلى جوندەۋ جۇرگىزىلۋدە. ونىڭ 42-ءسى - مەكتەپ، 2 – كوللەدج، 5- بالاباقشا، 1 - ووك، وعان قوسا 5 مەكتەپتىڭ اۋلاسى اباتتاندىرىلىپ، سپورت جانە بالالار الاڭدارى اشىلادى. ءبىلىم نىساندارىنداعى كۇردەلى جوندەۋ جۇمىستارى 30 تامىزعا دەيىن اياقتالادى دەپ جوسپارلانعان.

"جۇمىسپەن قامتۋ جول كارتاسىن" جۇزەگە اسىرۋ ناتيجەسىندە مەكتەپ ىشىندەگى دارەتحانالاردىڭ ماسەلەسى شەشىلدى. جالپى 347 مەكتەپتىڭ دارەتحاناسى عيمارات ىشىنە ورناتىلادى. بۇگىنگى كۇنگە 131 مەكتەپتە بۇل جۇمىستار اياقتالعان.

سوڭعى جاڭالىقتار

شەكتەن شىققان احۋال جوق

ايماقتار • بۇگىن، 15:02

ۇقساس جاڭالىقتار