ايماقتار • 14 تامىز، 2020

قوستانايدا «Nur Otan» پارتياسى وبلىستىق فيليالىنىڭ پرايمەريزگە دايىندىعى پىسىقتالدى

18 رەت كورسەتىلدى

بىرەر كۇنەن سوڭ «Nur Otan» پارتياسىنىڭ وڭىرلىك فيليالدارىندا پارتياىشىلىك ىرىكتەۋ باستالادى. وسىعان وراي، وبلىستىق فيليال توراعاسىنىڭ ءبىرىنشى ورىنباسارى ەلدار كۇزەنباەۆ  پارتيا اكتيۆىمەن ونلاين-جيىن وتكىزدى. 

بۇگىندە قوستاناي وبلىسىنداعى 265 باستاۋىش پارتيا ۇيىمىنىڭ 49 981 مۇشەسى بار. ولار پرايمەريز كەزىندە داۋىس بەرەتىن 156 ورىن انىقتالعان.  وبلىستىق جانە اۋماقتىق فيليالداردا پرايمەريز وتكىزەتىن ۇيىمداستىرۋ كوميتەتى مەن ەسەپ كوميسسياسىنىڭ قۇرامى دا بەلگىلى بولدى.

جيىن بارىسىندا پارتيا فيليالى توراعاسىنىڭ ءبىرىنشى ورىنباسارى ۇمىتكەرلەردى پرايمەريزگە قاتىستىرۋ ءتارتىبىن ءتۇسىندىردى.

- پرايمەريزگە قاتىسۋشىلار ۇگىت-ناسيحات جۇمىستارىنا كوڭىل ءبولۋى ءتيىس. پرايمەريز وتكىزۋ ەرەجەسىنە سايكەس، پارتيا تىزىمىندە ايەلدەردىڭ ۇلەسى 30 پايىزدان، ال جاستار 20 پايىزدان كەم بولماۋى ءتيىس. بۇل جاستار ءۇشىن ۇلكەن مۇمكىندىك. قازىرگى تاڭدا «Nur Otan» پارتياسى جاستاردى باستى كادرلىق رەزەرۆ رەتىندە تانيدى، - دەدى ەلدار كۇزەنباەۆ.

ەستەرىڭىزگە سالا كەتسەك، كانديداتتاردى ۇسىنۋجانە تىركەۋ تامىزدىڭ 17-دە باستالىپ 28-ىنە دەيىن جالعاسادى. ودان كەيىن ءۇمىتكەرلەرءدىڭ ۇگىت جۇمىستارىنا دايىندالۋىنا 7 كۇن بەرىلەدى. ال 7 قىركۇيەك پەن 3 قازانعا دەيىنگى ارالىقتا كانديداتتار ۇگىت جۇمىستارىمەن اينالىسادى.

 

سوڭعى جاڭالىقتار

ۇقساس جاڭالىقتار