ايماقتار • 14 تامىز، 2020

الماتى وبلىسىندا سۋارمالى سۋمەن قامتاماسىز ەتۋ بويىنشا قارقىندى جۇمىس جۇرگىزىلۋدە

22 رەت كورسەتىلدى

سۋ از بولعانىنا قاراماستان، "قازسۋشار" ماماندارى جەرگىلىكتى جەرلەردە بارلىق قاجەتتى شارالاردى قابىلداپ، شارۋا قوجالىقتارىنىڭ القاپتارىن سۋارۋ ماسەلەسى جەدەل شەشىمىن تابۋدا.

مىسالى، بيىل بالقاش كولىنىڭ باستى سۋ ارتەرياسى ىلە ترانسشەكارالىق وزەنىنىڭ سۋ دەڭگەيىنىڭ تومەندىگىنەن قاپشاعاي قالاسىنىڭ حالقى شەڭگەلدى سۋارۋ القابىنىڭ اۋىز سۋىمەن جانە سۋارمالى سۋمەن، سونداي-اق بالقاش اۋدانىنىڭ  سۋارمالى جەرلەرىمەن قامتاماسىز ەتۋ بويىنشا كۇردەلى جاعداي بولدى. وسى ماسەلەنى شەشۋ ءۇشىن «قازسۋشار» رمك-نىڭ الماتى فيليالى شارۋا قوجالىقتارىنىڭ جەرلەرىن سۋارۋ ءۇشىن ۇزىندىعى 1،5 كم قوسىمشا جەتكىزۋشى كانال-قۇبىرىن سالدى. ناتيجەسىندە شەڭگەلدى القابىن قازىر سۋارمالى سۋمەن ۇزدىكسىز قامتاماسىز ەتۋ جۇرگىزىلۋدە.

سونىمەن قاتار تالدىقورعاندا سۋارۋ جەلىلەرىنىڭ  قۇرىلىسى ءجۇرىپ جاتىر، جىل سوڭىنا دەيىن جوبانى اياقتاۋ جوسپارلانۋدا. مەردىگەر – «مونوليت» جشس.

وبلىستا سۋارۋ جاعدايىن جاقسارتۋ بويىنشا باسقا دا جۇمىستار جۇرگىزىلۋدە.

ماسەلەن، بۇگىن وبلىستىڭ اقسۋ اۋدانىندا يسلام دامۋ بانكىنىڭ قولداۋىمەن سۋارۋ جەلىلەرىن قايتا قۇرۋ جۇمىستارى جۇرگىزىلۋدە، وسىنى اياقتاۋدى كەلەسى جىلعا جوسپارلاپ وتىر. مەردىگەر – «تاماس» جشس. جوبالىق ارنالاردىڭ جالپى ۇزىندىعى 633 كم قۇرايدى. اقسۋ اۋدانىنىڭ 8 اۋىلدىق وكرۋگىندە، ونىڭ ىشىندە جانسۇگىروۆ، قاپال اۋىلدارىنداعى دول كانالىندا جۇمىس جۇرگىزىلۋدە.

اقسۋ اۋدانىندا سونداي-اق قىزىلاعاش وزەنىندەگى سۋ قويماسى، سۋ جيناۋ تورابى جانە ماگيسترالدىق كانالدىڭ جۇمىسى قايتا قۇرىلىپ، تولىق قالپىنا كەلتىرىلگەنىن اتاپ وتەمىز. بوگەتتەن قىزىلاعاش اۋىلىنىڭ ەگىستىگىنە سۋ بەرىلەدى، بۇل 700 گا سۋارمالى جەردىڭ سۋارۋ ماسەلەسىن شەشتى. سۋ قويماسىنا 20 ملن تەكشە مەتر سۋ جينالدى، دەپ حابارلادى «قازسۋشار» رمك-نىڭ الماتى فيليالىنىڭ ديرەكتورى سمايىل كۋمەتوۆ. سونداي-اق قىزىلاعاش القابىندا تاعى دا 7 مىڭ گەكتار جەردى سۋارمالى سۋمەن قامتاماسىز ەتەتىن  سۋارۋ جەلىلەرىن  سالۋدىڭ جاڭا جوباسى ازىرلەندى. وسىنىڭ ارقاسىندا قىزىلاعاش اۋىلدىق وكرۋگىندەگى شارۋا قوجالىعىندا  تاعى  200  ادام جۇمىس جاساي الادى.

بۇدان باسقا كوكسۋ بوگەتىندە كوكسۋ وزەنىندە اسپالى سۋارمالى جەرلەردىڭ قۇرىلىس-مونتاج جۇمىستارى جۇرگىزىلۋدە، سەبەبى 1963 جىلى پايدالانۋعا بەرىلگەن ۋاقىتتان بەرى مۇندا بىردە- ءبىر رەت كۇردەلى جوندەۋ جۇمىستارى جۇرگىزىلگەن جوق. مەردىگەر - «تەمىربەتون» جشس جوبا جول كارتاسى شەڭبەرىندە جۇزەگە اسىرىلۋدا، بۇل جۇمىس جوباسىن بيىل اياقتاۋ جوسپارلانۋدا.

سونداي-اق پانفيلوۆ اۋدانىنداعى ۇسەك وزەنىندەگى سۋتورابىن قايتا جاڭارتۋ (رەكونسترۋكتسيالاۋ) جۇمىستارى جۇرگىزىلۋدە. جوبا جول كارتاسى شەڭبەرىندە جۇزەگە اسىرىلۋدا جانە اعىمداعى جىلى اياقتاۋ جوسپارلانىپ وتىر.

جاقىندا سۋ پايدالانۋ ءبولىمىنىڭ ماماندارى ۇيعىر اۋدانىنا بارىپ، بارلىق جەردەگىدەي بۇل جەردە دە بيىل سۋارۋ كوزى بولىپ تابىلاتىن  شارىن وزەنىندەدە سۋ ازدىعى بايقالادى. بۇل جەردە سۋدى ءتيىمدى پايدالانۋ بويىنشا شەشىم قابىلداۋ ءۇشىن سۋبەكەتتەرىن جانە سۋ كانالدارىنىڭ  جاي-كۇيىن تەكسەرۋ جۇرگىزىلدى.

جالپى بيىلعى جىلى وبلىس تۇرعىندارىن سۋارمالى سۋمەن ۋاقتىلى قامتاماسىز ەتۋ ءۇشىن «قازسۋشار» رمك فيليالى باس قۇرىلىستاردى، گيدرومەتريالىق بەكەتتەردى سالدى جانە ارنالاردى مەحانيكالىق تازارتۋدان وتكىزىپ كەيبىر جەرلەردى بەتونداپ جانە ءتۇبىن قاپتاۋ جۇمىستارىن، سونداي-اق ەسكەلدى، الاكول، قاراتال، اقسۋ، ۇيعىر جانە پانفيلوۆ اۋداندارىنداعى كانالداردى جوندەۋ جۇمىستارىن جۇرگىزدى. بۇل وڭىردە بىرنەشە مىڭ گەكتار القاپتى سۋلاندىرۋدى جاقسارتۋعا مۇمكىندىك بەردى.

سونداي-اق «قازسۋشار» رمك سۋدى ساندىق ەسەپكە الۋدى تۇپكىلىكتى  تۇتىنۋشىعا جەتكىزۋ ماسەلەسىن پىسىقتاۋدا. باسىندا پيلوتتىق ىسكە قوسۋ جانە تەحنولوگيالاردى سىناقتان وتكىزۋ جوسپارلانۋدا، بۇل رەتتە وسىنداي ەسەپتەگىشتەر ءۇشىن باستى تالاپ-ولاردىڭ دەربەستىگى جانە دەرەكتەردى قاشىقتىقتان بەرۋ.

سوڭعى جاڭالىقتار

ۇقساس جاڭالىقتار