ايماقتار • 14 تامىز، 2020

اقمولا وبلىسىندا مەملەكەتتىك قىزمەتكە ىرىكتەۋ ساراپشىلاردىڭ قاتىسۋىمەن وتۋدە

44 رەت كورسەتىلدى

بۇگىنگى تاڭدا مەملەكەتتىك قىزمەتكە كونكۋرستىق ىرىكتەۋ راسىمدەرىنىڭ بارىنشا اشىقتىعى مەن وبەكتيۆتىلىگى زاڭنامالىق دەڭگەيدە قامتاماسىز ەتىلگەن.

جىل باسىنان بەرى وبلىس اۋماعىندا 1188 بوس لاۋازىمداردى يەلەنۋ ءۇشىن كونكۋرستار وتكىزىلسە، ولارعا 911 كانديدات قاتىسىپ، قورىتىندىسىنا سايكەس 554 ادام قىزمەتكە تاعايىندالدى.

كانديداتتارمەن اڭگىمەلەسۋ پروتسەسىنە بايقاۋشىلاردىڭ قاتىسقانىن اتاپ وتكەن ءجون. قازىرگى تاڭدا قازاقستان رەسپۋبليكاسىنىڭ ءاربىر كامەلەت جاسقا تولعان ازاماتى بايقاۋشى بولا الادى.

سونىمەن قاتار مەملەكەتتىك ورگاندار كونكۋرس وتكىزۋ كەزىندە ساراپشىلاردى شاقىرۋدا. بۇعان دەيىن ساراپشىلار كونكۋرستىق كوميسسيالاردىڭ تەك تار شەڭبەردە مامانداندىرىلعان لاۋازىمدارعا اڭگىمەلەسۋ وتكىزۋ جونىندەگى وتىرىستارىنا قاتىسا السا، بۇگىنگى تاڭدا ولار بارلىق ساناتتارداعى لاۋازىمداردى يەلەنۋگە وتكىزىلەتىن اڭگىمەلەسۋ تۇرلەرىنە شاقىرىلا الادى.

ساراپشى رەتىندە كونكۋرس جاريالاعان مەملەكەتتىك ورگاننىڭ قىزمەتكەرى بولىپ تابىلمايتىن، بوس لاۋازىمنىڭ فۋنكتسيونالدىق باعىتتارىنا سايكەس سالالاردا، سونىڭ ىشىندە عىلىم سالاسىندا جۇمىس تاجىريبەسى بار ادامدار، سونداي-اق پەرسونالدى ىرىكتەۋ جانە ىلگەرىلەتۋبويىنشا ماماندار، باسقا مەملەكەتتىك ورگانداردىڭ مەملەكەتتىك قىزمەتشىلەرى، قازاقستان رەسپۋبليكاسى پارلامەنتىنىڭ جانە ءماسليحاتتاردىڭ دەپۋتاتتارى قاتىسا الادى.

ساراپشىلار اڭگىمەلەسۋگە قاتىسادى، كانديداتتارعا سۇراقتار قويادى، كونكۋرس كوميسسياسىنىڭ مۇشەلەرىنە كانديداتتار تۋرالى ءوز پىكىرلەرىن بىلدىرەدى. سونىمەن قاتار اڭگىمەلەسۋ بارىسىن وزدەرىنىڭ تەحنيكالىق جازبا قۇرالدارىنا تۇسىرە الادى.

ساراپشىلاردىڭ كونكۋرستىق كوميسسيالاردىڭ وتىرىستارىنا قاتىسۋى مەملەكەتتىك قىزمەتكە كادرلاردى ىرىكتەۋدىڭ ساپاسىن ارتتىرۋعا اسەر ەتەتىندىگى ءسوزسىز.

سوڭعى جاڭالىقتار

شەكتەن شىققان احۋال جوق

ايماقتار • بۇگىن، 15:02

ۇقساس جاڭالىقتار