ايماقتار • 14 تامىز، 2020

بيىل قوستانايلىق ەرىكتىلەردىڭ كومەگىمەن ءىز-ءتۇزسىز كەتكەن 30 ادام تابىلدى

11 رەت كورسەتىلدى

قوستانايلىق ەرىكتىلەردەن قۇرالعان «دوس» ىزدەۋ جاساعى قوعامدىق ءتارتىپتى ساقتاۋعا جانە حابار-وشارسىز كەتكەن ازاماتتاردى ىزدەستىرۋگە بەلسەندى اتسالىسىپ كەلەدى. پوليتسيا دەپارتامەنتى تاياۋدا ولاردى اقشالاي سىياقىمەن ماراپاتتاعان ەدى. ەرىكتىلەر ول قارجىعا كوكتەن باقىلاۋ جۇرگىزەتىن ارنايى قۇرىلعى ساتىپ الدى.

- ءبىز ەرىكتىلەرمەن ءتاۋلىك بويى بايلانىستامىز. ولار حابار-وشارسىز كەتكەن ادامداردى ىزدەۋگە ءتۇن ورتاسىندا قوسىلعان جاعدايلار بولدى. كوبىنە قوعامدىق ءتارتىپتى قامتاماسىز ەتۋگە قاتىسادى، بىزبەن بىرگە ءجۇرىپ تۇرعىندارعا كارانتيندىك شارالاردى ساقتاۋدىڭ ماڭىزدى ەكەنىن تۇسىندىرەدى، - دەيدى مارات ساحراتوۆ.

جىل باسىنان بەرى ايماقتا ءىز-ءتۇزسىز كەتكەن 30-دان استام ادام ەرىكتىلەردىڭ كومەگىمەن تابىلىپ وتىر. پوليتسيا دەپارتامەنتىنىڭ باسشىلىعى قوعامدىق ءتارتىپ كۇزەتىنە بەلسەندى اتسالىسقان ۇزدىك ەرىكتىلەردى توقسان سايىن اقشالاي كوتەرمەلەپ وتىرۋدى كوزدەپ وتىر. بۇگىنگە دەيىن ءتارتىپ ساقشىلارى 14 ادامعا اقشالاي سىياقى تابىس ەتكەن. پوليتسەيلەردىڭ ايتۋىنشا، مۇنداي تاجىريبە ءالى دە جالعاساتىن بولادى.

- «دوس» ەرىكتىلەر جاساعىندا ەكى جۇزگە جۋىق ادام بار. دەنى – جاستار.

بءىز پوليتسيا بەرگەن اقشاعا بۇعان دەيىن راتسيا، جيلەت، تاعى دا باسقا قاجەتتى قۇرالداردى ساتىپ العانبىز. ەندى، مىنە، كەزەكتى سىياقىعا كوپتەن بەرى قول جەتكىزە الماي جۇرگەن كوكتەن باقىلاپ، بەينەتاسپاعا جازاتىن ۇشقىش درون ساتىپ الىپ وتىرمىز. بۇل ءىز-ءتۇزسىز كەتكەندەردى ىزدەستىرۋ كەزىندە تاپتىرمايتىن قۇرىلعى، - دەيدى ەرىكتىلەر جاساعىنىڭ ۇيلەستىرۋشىسى ولەسيا لوگوشينوۆسكايا.

 

قوستاناي وبلىسى

 

سوڭعى جاڭالىقتار

ۇقساس جاڭالىقتار