ايماقتار • 14 تامىز، 2020

رۋدنىيدا 400 كەلىدەن استام ەسىرتكى جويىلدى

12 رەت كورسەتىلدى

رۋدنىي قالاسىنىڭ پوليتسەيلەرى «سوكولوۆ-سارىباي كەن بايىتۋ كومبيناتىنىڭ» كەن قورىتۋ پەشىنە 395 كەلى كەپتىرىلگەن ماريحۋانا مەن 14 كەلىدەن استام گاشيش ورتەدى. ءتارتىپ ساقشىلارىنىڭ ايتۋىنشا، سوڭعى ءۇش جىل ىشىندە مۇنشالىقتى ءىرى كولەمدەگى ەسىرتكى زاتتارى ءبىرىنشى رەت تاركىلەنىپ وتىر ەكەن.  

ەسىرتكى 28 شىلدە كۇنى بەگەجان اۋىلىنىڭ 49 جاستاعى تۇرعىنىنان تاركىلەنگەن. كۇدىكتى 21 قاپ ماريحۋانا مەن 2 پاكەت گاشيشتى رۋدنىي قالاسىندا ء وزى جالعا العان گاراجدا ساقتاعان.

قءازىر ۇستالعان ازاماتقا قر قك 297 بابى بويىنشا ساتۋ ماقساتىندا زاڭسىز ەسىرتكى ساقتاعان دەگەن ايىپ تاعىلىپ، تەرگەۋ ءجۇرىپ جاتىر. قىلمىسى دالەلدەنسە، 10 جىلدان 15 جىلعا دەيىن باس بوستاندىعىنان ايىرىلۋى مۇمكىن. قىلمىستىق ءىس بارىسىندا ارناي ساراپتامالار تاعايىندالىپ، سوتقا دەيىنگى تەرگەۋ شارالارى ءجۇرىپ جاتىر. تاركىلەنگەن ەسىرتكى زاتتارىن اقشاعا شاقسا، 30 ملن تەڭگە شاماسىندا بولادى ەكەن.

رۋدنىي قالالىق پوليتسيا باسقارماسى باستىعىنىڭ ورىنباسارى ەربول كاكەنوۆتىڭ ايتۋىنشا، اسا ءىرى كولەمدەگى ەسىرتكى زاتتارىن ساقتاۋعا زاڭ بويىنشا رۇقسات ەتىلمەيدى. ونىڭ قىلمىسكەرگە سوت ۇكىمى شىقپاي جاتىپ جويىلۋىنىڭ سەبەبى دە وسى.

سوڭعى جاڭالىقتار

ۇقساس جاڭالىقتار