ايماقتار • 14 تامىز، 2020

قوستاناي وبلىسىنىڭ اكىمى ءماسليحات دەپۋتاتتارىنا ەسەپ بەردى

11 رەت كورسەتىلدى

ءماسليحات مىنبەرىندە وبلىستىڭ سوڭعى 7 اي ىشىندەگى دامۋ قارقىنى جونىندە بايانداعان ارحيمەد مۇحامبەتوۆ ىندەتكە بايلانىستى جاريالانعان شەكتەۋ شارالارىنىڭ كەدەرگى كەلتىرگەنىنە قاراماستان، ايماق ەكونوميكاسىندا ىلگەرىلەۋ بار ەكەنىن اتاپ ءوتتى.

ماسەلەن، اتالمىش كەزەڭ ىشىندە وبلىستا ونەركاسىپ ءوندىرىسىنىڭ ناقتى كولەم يندەكسى - 106،5%; اۋىل شارۋاشىلىعى – 102،0%; نەگىزگى كاپيتالعا سالىنعان ينۆەستيتسيا - 113،8%; قۇرىلىس جۇمىستارى 114،3%; تۇرعىن ۇيلەردى پايدالانىمعا ەنگىزۋ - 108،4% كورسەتكىشكە يە بولعان.

ونەركاسىپ ءوندىرىسىءنىڭ ءوسىمى - 6،5%-عا ارتىپ، 777،5 ملرد تەڭگەنىڭ ءونىمى وندىرىلگەن. ءوڭدەۋ كاسىپورىندارىنىڭ ءونىمى 18،9%-عا ارتىپ وتىر.  

سونىمەن قاتار، ايماق باسشىسى دەپۋتاتتارعا وبلىستا جوسپارلانعان ينۆەستيتسيالىق جوبالار، شاعىن جانە ورتا بيزنەستى قولداۋ شارالارى، مەملەكەتتىك باعدارلامالاردىڭ جۇزەگە اسىرىلۋ بارىسى، تكش جۇيەسىن، جۇمىسپەن قامتۋدى، دەنساۋلىق جانە ءبىلىم بەرۋ سالالارىن دامىتۋ باعىتىندا اتقارىلىپ جاتقان جۇمىستار جونىندە  بايان ەتتى.  

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار