الماتى وبلىسىندا از قامتىلعان وتباسى بالالارى مەن جەتىم بالالاردى كومپيۋتەرلىك تەحنيكامەن قامتامسىز ەتۋ ماقساتىندا قوسىمشا 75,6 مىڭ كومپيۋتەر ساتىپ الىنىپ, ۋاقىتشا پايدالانۋعا بەرىلەدى. قازىر ساتىپ الۋ جۇمىستارى جۇرگىزىلۋدە. ول ءۇشىن 12,5 ملرد تەڭگە قارالعان. وعان قوسىمشا مەملەكەتتىك-جەكەمەنشىك ارىپتەستىك اياسىندا 5 ملرد. تەڭگەگە 20 مىڭ كومپيۋتەر ساتىپ الىنادى. بۇل تۋرالى بۇگىن تالدىقورعاندا وتكەن بريفينگ بارىسىندا الماتى وبلىسىنىڭ اكىمى اماندىق باتالوۆ ايتتى.
"وقۋشىلار مەن مۇعالىمدەردىڭ كومپيۋتەرلىك قۇرالدارعا قاجەتتىلىگىنە, سونىمەن قاتار, ينتەرنەت جەلىسى تارتىلعان ەلدى مەكەندەرگە قاتىستى دا مونيتورينگ جۇرگىزىلدى. وبلىستا كومپيۋتەرلىك تەحنيكامەن قامتاماسىز ەتىلگەن وقۋشىلار ۇلەسى 61%, ياعني 242,7 مىڭ وقۋشى. مەكتەپتەردەگى 23 678 كومپيۋتەر بالالارعا ۋاقىتشا پايدالانۋعا بەرىلەدى", دەدى ا.باتالوۆ.
جالپى وبلىس بويىنشا 91 743 وقۋشىعا كومپيۋتەرلىك قۇرالدارعا قاجەتتىلىك بار. وسىعان سايكەس, اتالعان ماسەلەنى شەشۋ ءۇشىن از قامتىلعان وتباسى بالالارى مەن جەتىم بالالاردى كومپيۋتەرلىك تەحنيكامەن قامتامسىز ەتۋ ماقساتىندا قوسىمشا 75,6 مىڭ كومپيۋتەر ساتىپ الىنىپ, ۋاقىتشا پايدالانۋعا بەرىلەدى. ساتىپ الۋ جۇمىستارى ءجۇرىپ جاتىر. ول ءۇشىن 12,5 ملرد. تەڭگە قارالدى. قوسىمشا مەملەكەتتىك-جەكەمەنشىك ارىپتەستىك اياسىندا 20 مىڭ كومپيۋتەر ساتىپ الىنادى.
وبلىس اكىمىنىڭ ايتۋىنشا, مەتسەناتتار دا كومەك كورسەتۋگە نيەت بىلدىرۋدە, ماسەلەن" جاس ارحيتەكتورلار مەن قۇرىلىسشىلار" قوعامدىق قورى وبلىستىڭ از قامتىلعان وتباسىلاردىڭ بالالارى ءۇشىن 150 كومپيۋتەر قۇرالدارىن تەگىن بەرەمىز دەپ وتىر.
وسىنداي قابىلدانعان شارالار ناتيجەسىندە جاڭا وقۋ جىلىندا وبلىس وقۋشىلارىن كومپيۋتەرمەن قامتاماسىز ەتۋ ماسەلەسى تولىق شەشىلەتىن بولادى.
