ايماقتار • 14 تامىز، 2020

قىزىلوردالىق پوليتسەيلەر تۇرعىنداردى سانيتارلىق نورمالاردى ساقتاۋعا شاقىردى

66 رەت كورسەتىلدى

قىزىلوردالىق پوليتسەيلەر تۇرعىنداردى سانيتارلىق نورمالاردى ساقتاۋعا شاقىرىپ، تاعى دا 2 مىڭعا جۋىق بەتپەردە تاراتتى، – دەپ حابارلايدى Egemen.kz Polisia.kz سايتىنا سىلتەمە جاساپ.

قر ءىىم ەسىرتكى قىلمىسىنا قارسى ءىس-قيمىل دەپارتامەنتىنىڭ تاپسىرماسىنا سايكەس قىزىلوردا وبلىسى پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى “ەسىرتكىگە جول جوق!” اكتسياسىن ۇيىمداستىردى.

اكتسيا بارىسىندا ادامدار كوپ جينالاتىن جەرلەردە، ياعني بازارلاردا، ساۋدا ۇيلەرىندە، كوشەلەردە، ايالدامالاردا جانە اۆتوۆوكزالداردا ماريحۋانانىڭ سىزىلعان بەينەسىنىڭ لوگوتيپى بار ماسكالار تاراتىلدى. وسىلايشا، قىزىلوردالىق ەسىرتكىمەن كۇرەسۋشىلەر كارانتين جاعدايىندا ەسىرتكىگە قارسى ناسيحات جۇرگىزدى. ءتارتىپ ساقشىلارى بەتپەردەلەردى تاراتۋ كەزىندە ەسىرتكىنىڭ زيانى تۋرالى، سونداي-اق كوروناۆيرۋس ينفەكتسياسىنىڭ تارالۋىنا جول بەرمەۋ ءۇشىن سانيتارلىق نورمالاردى ساقتاۋ كەرەكتىگىن ايتىپ، ءتۇسىندىرۋ جۇمىستارىن جۇرگىزدى. ايتا كەتەرلىگى، قىزىلوردا وبلىسى پوليتسيا دەپارتامەنتىمەن اعىمداعى جىلدىڭ جەتى ايىندا 377 ەسىرتكى قىلمىسى انىقتالدى، ونىڭ ىشىندە – 299 تەرىس قىلىق، 78 قىلمىس (اسا ءىرى كولەمدەگى ەسىرتكى زاتتارىن ساقتاۋدىڭ سەگىز فاكتىسى، ەسىرتكىنى وتكىزۋدىڭ 14 فاكتىسى، زاڭسىز ءوسىرۋدىڭ 56 فاكتىسى). زاڭسىز اينالىمنان 100 كگ-عا جۋىق ءتۇرلى ەسىرتكى زاتتارى تاركىلەندى.

سوڭعى جاڭالىقتار

ۇقساس جاڭالىقتار