تەحنولوگيا • 13 تامىز، 2020

ەلەكتروندى قىزمەت ۇلەسى ءوستى

53 رەت كورسەتىلدى

وڭىرلىك كوممۋنيكاتسيالار قىزمەتىنىڭ ءباسپاسوز ورتالىعىندا وتكەن بريفينگ بارىسىندا قر مەملەكەتتىك قىزمەت ىستەرى اگەنتتىگى وبلىستىق دەپارتامەنتىنىڭ باسشىسى نۇرمان تالقانباەۆ ايماقتاعى مەملەكەتتىك كورسەتىلەتىن قىزمەتتەر جاي-كۇيىن باياندادى، دەپ جازادى Egemen.kz

قازىرگى تاڭدا، وبلىستاعى جەرگىلىكتى اتقارۋشى جانە اۋماقتىق مەملەكەتتىك ورگاندار 366 مەملەكەتتىك قىزمەت ءتۇرىن كورسەتەدى.

– 2020 جىلدىڭ 6 ايىندا وبلىستاعى قىزمەت بەرۋشى مەكەمەلەر تاراپىنان 1608263 قىزمەت كورسەتىلگەن. ەلەكتروندى تۇردە قىزمەتتەر الۋ ۇلەسى 2019 جىلدىڭ ءتيىستى كەزەڭىمەن سالىستىرعاندا ەداۋىر ارتىپ، ناتيجەسىندە 88 پايىزدى قۇراپ وتىر، –دەدى ن.تالقانباەۆ.

2020 جىلعى مامىر ايىنان باستاپ مەملەكەتتىك قىزمەتتەر الۋ جۇيەسىنىڭ جاڭا فورماتىنا سايكەس تۇرعىندارعا ەلەكتروندى ۇسىنىلاتىن مەملەكەتتىك قىزمەتتەردى حالىققا قىزمەت كورسەتۋ ورتالىعىنا كەلمەي، "ەلەكتروندى ۇكىمەت پورتالى"، "eGov mobile" جانە Telegram قوسىمشاسىنداعى "EgovKzBot2.0" بوتى ارقىلى الۋعا مۇمكىنشىلىك جاسالعان.

قازىرگى تاڭدا حالىقتىڭ قىزمەت الۋىنا قولايلى جاعداي جاساۋ ماقساتىندا وبلىس كولەمىندە 574 "وزىنە – ءوزى قىزمەت كورسەتۋ بۇرىشى" جۇمىس جاساۋدا.

 

سوڭعى جاڭالىقتار

ۇقساس جاڭالىقتار