ونىڭ ماقساتى – قالاداعى قوزعالىس احۋالىنا جالپى تالداۋ جانە مونيتورينگ جۇرگىزۋ, قولمەن رەتتەۋدى ۇيىمداستىرۋدىڭ ەڭ قولايلى قيىلىستارىن انىقتاۋ, قالانىڭ نەگىزگى كوشەلەرىن زەرتتەۋ, كەپتەلۋ قۇبىلىستارىنىڭ سەبەپتەرى مەن جاعدايلارىن زەرتتەۋ جانە جويۋ.
– سوڭعى جىلدارى الماتى قالاسىنىڭ كوشەلەرىندە جانە اۆتوكولىك جولدارىندا كولىك اعىندارىنىڭ تىعىزدىعى ەداۋىر ارتتى, وسىعان بايلانىستى پوليتسيا جول قوزعالىسىن ۇيىمداستىرۋدى جاقسارتۋ بويىنشا شارالار قابىلداۋدا. جول قوزعالىسىنا كەدەرگىلەردىڭ سەبەپتەرىن انىقتاۋ, قوزعالىستى ۇيىمداستىرۋعا وزگەرتۋلەر مەن تۇزەتۋلەر ەنگىزۋ تۋرالى جەدەل شەشىم قابىلداۋ ءۇشىن جول بويىنداعى قاۋىپسىزدىكتىڭ جاي-كۇيىن ەداۋىر جاقسارتاتىن جانە ءىرى قالانىڭ جولدارىنداعى جازاتايىم وقيعالار مەن جاراقاتتانۋ دەڭگەيىنىڭ تومەندەۋىنە ءتيىمدى اسەر ەتەتىن تىكۇشاق پاترۋلدەرىن قالا بويىنشا قايتا ىسكە قوسۋ تۋرالى شەشىم قابىلداندى, – دەدى الماتى قالالىق پوليتسيا دەپارتامەنتىنىڭ باستىعى قانات تايمەردەنوۆ.
پوليتسيا سونىمەن قاتار كەشەدەن بەرى اۋە رەيسى تجد تىكۇشاعىنىڭ نەگىزىندە ورىندالعانىن ايتتى. اۋە كۇزەتىنە اكىمشىلىك پوليتسيانىڭ جانە جەرگىلىكتى پوليتسيا قىزمەتىنىڭ باسشىلارى قاتىسادى, ولار جولداعى جاعدايدى قۇستىڭ كوزىمەن باقىلايدى جانە پاترۋلدىك بريگادالارعا ونلاين رەجيمىندە قوزعالىس قيىن جەرلەر تۋرالى اقپاراتتار بەرەدى.
