يگى ىسكە "اتامەكەن" ۇلتتىق كاسىپكەرلەر پالاتاسى ۇيىتقى بولىپ وتىر. كۇنى بۇگىنگە دەيىن وتتەگى كونتسەنتراتتارىنىڭ 35 قورابى جەتكىزىلدى. قاسقالداقتىڭ قانىنداي تاپشى مەديتسينالىق قۇرىلعىلاردى تارتۋ ەتۋ اكتسياسى ءالى دە جالعاسۋدا. جامان تۇماۋدى جۇقتىرعان ناۋقاستارعا اسا قاجەتتى قۇرىلعىلاردى "ايدىڭ نۇرى" جەكەمەنشىك قايىرىمدىلىق قورى مەن "BI Group" كومپانياسى جەتكىزگەن.
- "مەنىڭ اتامەكەنىم" قوعامدىق بىرلەستىگى وسى كونتسەنتراتتاردى جەتكىزۋگە جاۋاپتى بولاتىن. تاياۋدا جيىرمادان استام وتتەگى كونتسەنتراتتارى اكەلىندى. ولاردى دا شالعايداعى اۋداندىق اۋرۋحانالارعا قاجەتتىلىگىنە وراي جونەلتىپ جاتىرمىز", - دەيدى پالاتا ديرەكتورىنىڭ ورىنباسارى ەرقانات مۇسىلمانبەك.
بۇعان دەيىن بۇلاندى, ارشالى, ەگىندىكول, جاقسى اۋداندارىنىڭ اۋرۋحانالارىنا قايىرىمدىلىق قورى 19 اپپارات جەتكىزىپ بەرىپتى. شورتاندى, ساندىقتاۋ, ءبىرجان سال اۋداندارىنداعى اۋرۋحانالار شاراپاتى مول شارا بارىسىندا قولدارىنا تيگەن كونتسەنتراتورلاردىڭ كومەگىمەن جامان تۇماۋدىڭ تىرناعىنا ىلىككەن جانداردى ەمدەۋدە.
اقمولا وبلىسى
