"سيقىرشى" اتانعان ايتۋلى ازامات اقش-تىڭ ميچيگان شتاتىندا دۇنيەگە كەلدى. 1979-1991 جىلدار ارالىعىندا دجونسون تەك ءبىر عانا كلۋب – «لوس-اندجەلەس لەيكەرستىڭ» نامىسىن قورعادى. ايتۋلى كوماندامەن بىرگە تالاي تولاعاي تابىسقا قول جەتكىزدى. اتاپ ايتساق, بەس رەت ۇلتتىق باسكەتبول قاۋىمداستىعىنىڭ (ۇبق) جەڭىمپازى اتانىپ, ءۇش رەت ەڭ قۇندى ويىنشىعا تيەسىلى ارنايى سىيلىقتى يەلەندى. 12 رەت "جۇلدىزدار ماتچىنا" قاتىسىپ, 10 مارتە ۇبق-نىڭ شارتتى قۇراماسىنا ەندى. 1992 جىلى اقش قۇراماسى ساپىندا بارسەلونا وليمپياداسىنىڭ جەڭىمپازى اتاندى. باسقا دا تولىپ جاتقان جۇلدەلەرى تاعى بار.
شامامەن ءدال سول كەزدەرى "مەدجيكتىڭ" سپيد-كە شالدىققانى انىقتالدى. جايسىز حاباردان قۇلاعدار بولعان ول اۋەلدە سپورتپەن قوش ايتىساتىنىن مالىمدەگەن ەدى. دەسەك تە داڭقتى باسكەتبولشى تاعدىردىڭ جازعانىنا مويىنۇسىنعان جوق. قاتەرلى دەرتپەن ايانباي كۇرەسىپ, باتىلدىق پەن جانقيارلىقتىڭ شىنايى ۇلگىسىن كوردى. سپيد-كە شالدىققان ادامدارعا قامقور قولىن سوزىپ, كوپتەگەن يگى شارالاردىڭ باسى-قاسىندا ءجۇردى. 1996 جىلى ويىن الاڭىنا قايتا ورالىپ, سول ماۋسىمدا ءوزىنىڭ سۇيىكتى كومانداسىنىڭ ساپىندا ونەر كورسەتتى.
