كەزدەسۋ بارىسىندا سەيىلبەك نۇرىمبەتوۆ بيىلعى جىلى وبلىس بويىنشا ناقتى ەگىلگەن ەگىس كولەمى مەن جاعدايى, ءارتاراپتاندىرۋ باعىتىندا اتقارىلعان جۇمىستار مەن ەرتە ەگىلگەن اۋىل شارۋاشىلىعى داقىلدارىن جيناۋ بويىنشا جۇمىستارعا توقتالىپ, ەگىن جيناۋعا قاتىساتىن اۋىل شارۋاشىلىعى تەحنيكالارىنىڭ دايىندىعى مەن جانار-جاعار مايمەن قامتاماسىز ەتىلۋى تۋرالى ايتىپ ءوتتى.
ەگىن شارۋاشىلىعىن ءارتاراپتاندىرۋ باعىتىندا وڭىردە العاش رەت پەرسپەكتيۆالى داقىلدار قانت قۇمايى 70 گەكتارعا, سويا 240 گەكتارعا, جۇگەرى داقىلى 1 667 گەكتارعا دەيىن جەتكىزىلىپ, ىلعال ساقتاعىش اكۆاگەلدەردى پايدالانۋ ارقىلى بوگارلى جەرلەرگە 80 گەكتار كۇزدىك بيداي داقىلى ەگىلدى. سونىمەن بىرگە, 60 گەكتار جەرگە ازىق-ت ۇلىك ماڭىزى بار جەمىس- جيدەكتەر مەن جۇزىمدىكتەر ەگىلدى.
ەگىنشىلىك سالاسىن مەملەكەتتىك قولداۋعا بيىلعى جىلى بارلىعى 4,6 ملرد. تەڭگە قارجى ءبولىندى. ال, اۋىل شارۋاشىلىعى تاۋارىن وندىرۋشىلەرىنە 2,3 ملرد. تەڭگە سۋبسيديا تولەنىپ وتىر.
وبلىس اكىمى گۇلشارا ابدىقالىقوۆا سالا باسشىسىنا ەگىن جيناۋ جۇمىستارىنا قاتىساتىن تەحنيكالاردىڭ تولىققاندى بولۋىن جانە كۇرىشكە العاشقى وراق سالۋدى تامىز ايىنىڭ 25-نەن باستاۋدى جانە ەگىن جيناۋ ناۋقانىن 15 قازانعا دەيىن تولىق اياقتاۋدى تاپسىردى.
قابىلداۋ سوڭىندا سەيىلبەك نۇرىمبەتوۆ سىر ديحاندارىنىڭ بولجامىنا سايكەس, بيىلعى جىلى ەگىلگەن اق كۇرىشتىڭ ءار گەكتارىنان 50-55 تسەنتنەردەن ءونىم الۋ جوسپارلانىپ وتىرعاندىعىن باياندادى.
