بيىلعى 7 ايدا ەلىمىزدىڭ تەڭىز پورتتارى ارقىلى 3,4 ملن توننا جۇك اۋىستىرىپ تيەلدى. بۇل - وتكەن جىلدىڭ وسى كەزەڭىندەگى كورسەتكىشكە تەڭ.
تەڭىز پورتتارىندا جۇك تاسيتىن اۆتوكولىك قۇرالدارىن اۋىستىرىپ تيەۋ كولەمى 100 % ارتتى. ياعني, ول كورسەتكىش وتكەن جىلى كورسەتىلگەن ۋاقىت كەزەڭىندە 3 766 بىرلىك بولسا, بيىل 7 540-قا جەتتى.
سونداي-اق, كونتەينەرلەردى اۋىستىرىپ تيەۋدە وڭ ديناميكا بايقالدى. بۇل كورسەتكىش 16% ءوسىپ, 17 079 بىرلىكتى قۇرادى.
وتاندىق ساۋدا فلوتىمەن وسى كەزەڭدە كاسپي تەڭىزىندەگى پورتتار اراسىندا 1,32 ملن توننا جۇك تاسىمالداندى. ونىڭ ىشىندە 7 910 كونتەينەر اقتاۋ – باكۋ فيدەر جەلىسىنىڭ ۇلەسىندە.
بيىل ءبىرىنشى جارتىجىلدىقتىڭ قورىتىندىسىندا ىشكى سۋ جولدارى بويىنشا تاسىمالداۋ كولەمى 845,1 مىڭ توننانى قۇراپ, 2019 جىلعى كورسەتكىشتەن 65,8% ءوستى. ونىڭ ىشىندە 138 مىڭ توننا رەسەي باعىتىندا بولدى.
شليۋزدەردى كۇردەلى جوندەۋ شەڭبەرىندە اۋدانى 6 610 م2 تەمىر-بەتون قۇرىلىمدارىنا جوندەۋ جۇرگىزىلدى.
