ءبىلىم • 13 تامىز، 2020

ءۇش جاڭا مەكتەپ پايدالانۋعا بەرىلەدى

20 رەت كورسەتىلدى

وبلىس اكىمى ارحيمەد مۇحامبەتوۆ وڭىرلىك كوممۋنيكاتسيالار قىزمەتى الاڭىندا ايماقتىڭ جاڭا وقۋ جىلىنا دايىندىعى تۋرالى ەسەپ بەردى. اكىمنىڭ ايتۋىنشا، بيىل قوستاناي وبلىسىندا ورتا ءبىلىم بەرۋ ەلدەگى سانيتارلىق-ەپيدەميالىق جاعدايعا بايلانىستى بىرنەشە باعىتتا ۇيىمداستىرىلاتىن بولادى.

بۇگىندە وبلىستا 490 مەكتەپ جۇ­مىس ىستەيدى. بيىلعى وقۋ جىلىندا 12 مىڭ­نان استام بالا العاش رەت مەكتەپ تابال­دىرىعىن اتتايىن دەپ وتىر. جاڭا وقۋ جىلى جالپى ايماق مەكتەپتەرىندە 108،6 مىڭ بالا وقيدى دەگەن بولجام بار. 16 مىڭ بالا ءداستۇرلى تۇردە مەكتەپ قابىر­عاسىندا وقىماق. ال 27 مىڭ وقۋ­شى كەزەكشى سىنىپتاردا، 65 مىڭ شا­كى­رت قاشىقتىقتان ءبىلىم الاتىن بولادى.

بيىل اۋىلدىق مەكەندەردەگى شاعىن جيناقتى مەكتەپتەردى قوس­پاعاندا، بارلىق مەكتەپتەر جاڭا وقۋ جىلىن قاشىقتان وقىتۋ جۇيەسى ارقىلى باستاماق. وبلىستا 18،6 مىڭ وقۋشىنى قامتيتىن 330 شاعىن جيناقتى مەكتەپ بار. ونىڭ ىشىندە جالپى سانى 16 مىڭنان استام وقۋشى بار 265 مەكتەپ سانيتارلىق-ەپيدەميالىق قاۋىپسىزدىك شارالارىن كۇشەيتە وتىرىپ، شتات­تىق رەجىمدە وقيتىن بولادى. بۇل مەك­تەپتەردەگى وقىتۋ ەكى اۋىسىمدا ۇيىمداستىرىلادى، اۋىسىمدار اراسىندا ءبىر جارىم ساعات ءۇزىلىس بولادى، جەلدەتۋ رەجىمى قاتاڭ ساقتالادى جانە ءار ساباقتان كەيىن دەزينفەكتسيا­لاۋ جۇرگىزىلەدى. مەكتەپتەردە ماسكا­لىق رەجىم ەنگىزىلىپ، مەديتسينالىق باقى­لاۋ كۇشەيتىلەدى.

اۋىلدارداعى شاعىن كومپلەكتىلى مەكتەپتەردىڭ وقۋشىلارى سول ەلدى مەكەندەردىڭ ەپيدەميالىق احۋالى تۇراقتانعان جاعدايدا عانا مەكتەپكە بارىپ وقيدى. ەگەر جاعداي ۋشىعىپ جاتسا، وبلىستىڭ ءبىلىم بەرۋ جۇيەسى تولىقتاي قاشىق­تان وقىتۋ رەجىمىنە كوشەدى. قالعان 225 مەكتەپتەگى وقۋ ۇدەرىسى قاشىقتان ۇيىمداستىرىلادى. بۇل مەكتەپتەردە جالپى سانى 92،5 مىڭ وقۋشى بار.

– قاشىقتان وقىتۋدى ۇيىم­داستىرۋ ءۇشىن بيىل جازدا 1،4 ملرد تەڭگەگە 6 مىڭ كومپيۋتەر ساتىپ الىندى. بۇل وبلىستىڭ ءبىلىم بەرۋ ۇيىمدارىنىڭ كومپيۋتەرلىك پاركىن 50%-عا جاڭارتۋعا مۇمكىندىك بەردى. مۇنىڭ سىرتىندا، ءبىلىم جانە عىلىم مينيسترلىگى ۇكىمەتتىك رەزەرۆتەن جالپى سوماسى 2،4 ملرد تەڭگەگە 15 مىڭنان استام كومپيۋتەرلىك تەح­نيكانى ساتىپ الۋعا قوسىمشا قارا­جات ءبولۋدى قاراستىرىپ جاتىر. مۇعالىمدەر مەن وقۋشىلارعا، ءبىرىن­شى كەزەكتە الەۋمەتتىك وسال توپ­تارعا جاتاتىن وتباسىلارداعى بالا­لارعا قايتارىلمالى نەگىزدە 11188 كومپيۋتەرلىك تەحنيكا بەرىلدى، – دەدى ا.مۇحامبەتوۆ.

 

قوستاناي وبلىسى

 

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار