قوعام • 12 تامىز، 2020

الماتى تروللەيبۋستاردان باس تارتپايدى

40 رەت كورسەتىلدى

تروللەيبۋستاردان باس تارتۋ كۇن تارتىبىنە قويىلعان جوق جانە قويىلمايدى دا. بۇل تۋرالى قالا اكىمى باقىتجان ساعىنتاەۆ "الماتى" تەلەارناسىنداعى Akimat Live باعدارلاماسىنىڭ تىكەلەي ەفيرىندە ايتتى، دەپ جازادى Egemen.kz

قالالىقتاردىڭ سۇراقتارىنا جاۋاپ بەرگەن ب.ساعىنتاەۆ تروللەيبۋستاردىڭ جۇمىسىن قامتاماسىز ەتەتىن بايلانىس جەلىلەرى مەن قوسالقى ستانسالاردى مودەرنيزاتسيالاۋ باعدارلاماسىنىڭ وتكەن جىلى قابىلدانعانىن حابارلادى.

بيىلعى پاندەميا سالدارىنان شىعىندار قىسقارتىلدى. جىل سوڭىنا دەيىن 16 كوشەدەگى بايلانىس جەلىلەرى جاڭاراتىن بولادى.

"172 شاقىرىم جەلىلەردى اۋىستىرۋدى قاجەت ەتەتىن تروللەيبۋس ينفراقۇرىلىمىن تولىقتاي مودەرنيزاتسيالاۋدى 2021 جىلى اياقتاۋدى جوسپارلاۋدامىز"، دەدى الماتى اكىمى.

2020 جىلدىڭ سوڭىنا دەيىن جاندوسوۆ، سەيفۋللين، قابانباي باتىر، اۋەزوۆ، روزىباكيەۆ، جۇبانوۆ، ەمتسوۆ، قالداياقوۆ، پۋشكين كوشەلەرى مەن رىسقۇلوۆ جانە رايىمبەك داڭعىلدارىنىڭ بويىنداعى ەسكىرگەن بايلانىس جەلىلەرى الىنىپ تاستالادى جانە قايتا مونتاجدالادى.

بۇرىن كابەلدى جانە بايلانىس جەلىلەرىنە كۇردەلى جوندەۋ جۇمىستارى سوناۋ 2000 جىلى عانا جۇرگىزىلگەن ەكەن. كۇن سايىن سەگىز باعىت بويىنشا جولاۋشى تاسىمالداۋعا 160 تروللەيبۋس شىعاتىن بولادى. مۇنداعى جولاۋشى اعىنى اي سايىن شامامەن 2،5-3 ملن ادامدى قۇرايدى. تروللەيبۋس جەلىسىنىڭ جالپى ۇزىندىعى 191 شاقىرىم.

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار