سونداي-اق قۇجاتقا بۇۇ-نىڭ 22 قۇرىلىمىنىڭ وكىلدەرى, ونىڭ ىشىندە فاو, كقحۇ (IOM), حسۇ (ITC), اقججكك (OHCHR), يۋنەيدس, يۋنكتاد, بۇۇ اقاب (UNDRR), بۇۇدب, بۇۇ ەەك, يۋنەپ, ەسكاتو, يۋنەسكو, يۋنفپا, بۇۇ-حابيتات, بۇۇ بجكب (UNHCR), يۋنيسەف, يۋنيدو, بۇۇ ەقجب (UNODC), بۇۇ ەب (UNV), بۇۇ-ايەلدەر جانە ددسۇ قول قويدى.
قازاقستانداعى بۇۇ تۇراقتى ۇيلەستىرۋشىسى نوريماسا شيمومۋرا مىرزا: «قازىرگى ءساتتىڭ بۇۇ ەلدىك توبى ءۇشىن تاريحي ماڭىزى زور, ويتكەنى ءبىز قازاقستان ۇكىمەتى جانە حالقىمەن ىنتىماقتاستىقتىڭ جاڭا كەزەڭىنە وتۋدەمىز. ءبىز ىنتىماقتاستىقتىڭ جاڭا شەڭبەرىن ۇكىمەتتى, ازاماتتىق قوعامدى, عىلىمي ورتانى, جەكە سەكتوردى, بۇقارالىق اقپارات قۇرالدارىن, حالىقارالىق قوعامداستىقتى جانە بۇۇ-نىڭ ءوزىن قوسا العاندا, ستراتەگيالىق ارىپتەستەردىڭ نەگىزگى رەسۋرستارىن شوعىرلاندىرۋ جولىمەن قازاقستاندا 2030 جىلعا دەيىنگى كۇن ءتارتىبىن ىسكە اسىرۋدا ودان ءارى العا جىلجۋ تەتىگى رەتىندە قاراستىرامىز», - دەپ اتاپ ءوتتى.
نەگىزدەمەلىك باعدارلامانىڭ باسىمدىقتارى مەملەكەتتىك ورگاندار, ازاماتتىق قوعام جانە عىلىم وكىلدەرىمەن وتكىزىلگەن كوپجاقتى تالقىلاۋلار بارىسىندا انىقتالدى. 2030 جىلعا دەيىنگى كۇن تارتىبىنە بارلىق قازاقستان حالقى, سونىڭ ىشىندە ايەلدەر, جاستار, ەرەكشە قاجەتتىلىكتەرى بار ادامدار قاتىسۋى كەرەك دەگەن «ەشكىمدى ارتتا قالدىرماۋ» يدەياسىمەن جاسالدى. بارلىق الەمدەگى سياقتى قازاقستانداعى پاندەميادان تۋىنداعان ەكونوميكالىق قۇلدىراۋ تۇراقتى دامۋ ماقساتتارىنا قول جەتكىزۋگە قاۋىپ ءتوندىرىپ, ىنتىماقتاستىق شەڭبەرىن ىسكە اسىرۋعا اسەر ەتۋى مۇمكىن. وسى دامىپ كەلە جاتقان قاجەتتىلىكتەر ۇيىمنىڭ قازاقستانمەن بىرىككەن ارەكەتى, بۇۇ-نىڭ الەۋمەتتىك-ەكونوميكالىق دەن قويۋ مەن قالپىنا كەلتىرۋدى قولداۋ جونىندەگى جوسپارى اياسىندا قولجەتىمدى بولادى. بۇل ماقسات بۇگىن قول قويىلعان ىنتىماقتاستىقتىڭ جاڭا نەگىزدەمەلىك باعدارلاماسىنا تولىق سايكەس كەلەدى.
ىنتىماقتاستىق باعدارلاماسى ءۇش تاقىرىپتىق باعىتتا – ادام دامۋى جانە تەڭ قۇقىلى قاتىسۋ; ءتيىمدى ينستيتۋتتار, ادام قۇقىقتارى جانە گەندەرلىك تەڭدىك; ينكليۋزيۆتى ەكونوميكالىق ءوسۋ جانە ەكولوگيالىق تۇراقتىلىق اتتى ستراتەگيالىق سەرىكتەستەردىڭ بىرلەسكەن ارەكەتتەرى تۇراقتى دامۋدىڭ الەۋمەتتىك, ەكونوميكالىق جانە ەكولوگيالىق اسپەكتىلەرىنە باعىتتالعان التى باعىتتا جۇزەگە اسىرىلادى.
بىرىككەن ۇلتتار ۇيىمى دامۋدىڭ بولاشاق جوسپارلارى مەن ۇكىمەتتىڭ تۇراقتى دامۋعا دەگەن قارقىندى ۇمتىلىسى تۋرالى كوزقاراستى دامىتۋ ءۇشىن قازاقستانعا ارنالعان قولداۋىن تەرەڭدەتۋدە. بۇۇ-نىڭ قازاقستانداعى جۇيەسى قۇندىلىقتارعا, ادام قۇقىقتارىنا نەگىزدەلگەن سەنىمدى سەرىكتەس بولىپ قالا بەرەدى. ۇيىم جۇمىسى مەملەكەت پەن قوعامداعى سەرىكتەستەرگە باسقارۋدىڭ ەڭ قاجەتتى كەڭەستەرىن, تەحنيكالىق كومەك پەن عالامدىق جەلىلەرگە قول جەتكىزۋگە باعىتتالعان.
ىنتىماقتاستىقتىڭ نەگىزدەمەلىك باعدارلاماسى جانە بۇۇ COVID-19 بويىنشا ارەكەت ەتۋ جوسپارى بۇۇ جۇيەسىنىڭ قازاقستان ۇكىمەتى مەن حالقىنا 2030 جىلعا ارنالعان كۇن تارتىبىنە قول جەتكىزۋ ءۇشىن ءاردايىم تۇراقتى, ينتەگراتسيالانعان, ءتيىمدى دامۋ جولدارىن ۇستانۋدى بىلدىرەدى.
