مەملەكەت باسشىسىنىڭ باستاماسى بويىنشا حالىقارالىق ستاندارتتاردى تىزبەكتى يمپلەمەنتاتسيالاۋ ءجۇرىپ جاتىر, ونىڭ ايقىن مىسالدارى – جالا جابۋدى قىلمىسسىزداندىرۋ جانە بەيبىت جينالىستاردى رەتتەۋدى ليبەراليزاتسيالاۋ. سونىمەن قاتار, ساراپشى قازىرگى ۋاقىتتا جۇرگىزىلىپ جاتقان اۋقىمدى تسيفرلاندىرۋ, بيزنەس-پروتسەستەردى رەينجينيرينگىلەۋ جانە مەملەكەتتىك اپپاراتتى وڭتايلاندىرۋ نەگىزىندە مەملەكەتتىك باسقارۋ جۇيەسىنىڭ «قايتا جۇكتەلۋى» تۋرالى اقپارات الدى.
ءوز كەزەگىندە نيۋ-يورك قالاسىنان كەزدەسۋگە قاتىسقان ماككي مىرزا قازاقستانداعى سىبايلاس جەمقورلىققا قارسى ساياساتتى جۇزەگە اسىرۋدىڭ "ورگانيكالىق" ءتاسىلىن جوعارى باعالادى.
"سىبايلاس جەمقورلىق – بۇل كوپ قىرلى ماسەلە, سوندىقتان دا ءسىزدىڭ ەلىڭىزدە قىلمىستىق زاڭناماعا سايكەس ناقتى وزگەرىستەر ەنگىزىپ قانا قويماي, سونداي-اق مەملەكەت پەن قوعامدى شىنايى دەموكراتيالاندىرۋعا باعىتتالعان اناعۇرلىم ىرگەلى ماسەلەلەرگە نازار اۋداراتىنى قۋانىشتى جاعداي", - دەپ اتاپ ءوتتى سپيكەر.
سونداي-اق, PRS Group باسشىسى سىبايلاس جەمقورلىققا قارسى ءىس-قيمىلداعى قازاقستاننىڭ ازاماتتىق قوعام ينستيتۋتتارى مەن جەكەلەگەن ەرىكتى بەلسەندىلەردىڭ ءرولى ءوسىپ كەلە جاتقانىن وڭ باعالادى.
كوروناۆيرۋستىق پاندەمياعا قاراماستان, سىبايلاس جەمقورلىققا قارسى ءىس-قيمىل اگەنتتىگى حالىقارالىق ۇيىمدارمەن جانە سىبايلاس جەمقورلىققا قارسى شەتەلدىك مەكەمەلەرمەن ونلاين-فورماتتا كونسترۋكتيۆتى ءوزارا ارەكەتتەستىكتى جالعاستىرۋدا.
