سەنات دەپۋتاتتىعىنا ۇمىتكەرلەر تىزىمىندە 3 ادام بولدى. ولاردىڭ ەكەۋى - دەپۋتاتتىققا ءوزىن-ءوزى ۇسىنعان «جاس قانات - 2006» جشس ءوندىرىستى دامىتۋ جونىندەگى ديرەكتورى الەكساندر كوروستىلەۆ, رۋدنىي بالالار ءۇيىنىڭ ديرەكتورى پاۆەل كوۆال. ءۇشىنشىسى – وبلىس اكىمىنىڭ ورىنباسارى سەرگەي كارپليۋك. ونى دەنيسوۆ جانە ب.مايلين اۋداندىق ءماسليحاتتارىنىڭ دەپۋتاتتارى ۇسىنعان.
داۋىس بەرۋ قورىتىندىسى بويىنشا 225 داۋىس جيناعان س.كارپليۋك جەڭىسكە جەتتى. وسىمەن قوستاناي وبلىسىنان ءتورتىنشى رەت سەناتورلىققا اكىمنىڭ ورىنباسارى سايلانىپ تۇر. بۇعان دەيىن سەنات دەپۋتاتتىعىنا وبلىس اكىمىنىڭ ورىنباسارلارى ەۆگەني امان, سەرىك بەكتۇرعانوۆ, جەڭىس نۇرعاليەۆ سايلانعان بولاتىن. س.كارپليۋك كۇزدە سەرىك بەكتۇرعانوۆتىڭ ورنىن اۋىستىراتىن بولادى.
قوستاناي وبلىسى
