پرەزيدەنت • 12 تامىز، 2020

مەملەكەت باسشىسى رەسەي پرەزيدەنتىنە جەدەلحات جولدادى

1273 رەت كورسەتىلدى

مەملەكەت باسشىسى قاسىم-جومارت توقاەۆ رەسەي فەدەراتسياسىنىڭ پرەزيدەنتى ۆلاديمير پۋتينگە COVID-19 ىندەتىنە قارسى الەمدەگى ەڭ ءبىرىنشى ۆاكتسينانىڭ تىركەلۋىنە وراي قۇتتىقتاپ، جەدەلحات جولدادى. بۇل تۋرالى اقورداعا سىلتەمە جاساي وتىرىپ Egemen.kz حابارلايدى.

"بۇل وقيعا رەسەي عىلىمىنىڭ جوعارى الەۋەتى مەن بەدەلىن ناقتىلاي ءتۇستى. سونداي-اق رەسەيدىڭ وسى جاھاندىق قاۋىپ-قاتەرگە قارسى كۇرەستەگى جەتەكشى ءرول اتقاراتىنىن كورسەتتى. الەمدە قالىپتاسقان وسىناۋ قيىن-قىستاۋ كەزەڭدە قازاقستانعا ۇنەمى قولداۋ كورسەتىپ، ونىڭ ىشىندە، گۋمانيتارلىق كومەك بەرىپ جانە ەلىمىزدەگى سانيتارلىق-ەپيدەميولوگيالىق احۋالدىڭ جاقسارۋىنا ۇلكەن ۇلەس قوسقان دارىگەرلەر جىبەرگەنىڭىز ءۇشىن سىزگە ريزاشىلىق بىلدىرەمىز"، دەپ جازدى قازاقستان پرەزيدەنتى جەدەلحاتتا.

قاسىم-جومارت توقاەۆ قازاقستان مەن رەسەيدىڭ اتالعان باعىتتاعى ءتيىمدى ىقپالداستىعى تۋرالى دا ايتتى.

"تامىز ايىنىڭ ەكىنشى جارتىسىندا ۇكىمەتتىك دەلەگاتسيا رەسەيلىك ۆاكتسينانى ساتىپ الۋ ماسەلەسىن تالقىلاۋ ءۇشىن ماسكەۋگە بارادى"، دەپ اتاپ ءوتتى مەملەكەت باسشىسى.

سوڭعى جاڭالىقتار

دوللار باعامى قايتا ءوستى

قارجى • بۇگىن، 16:12

ۇقساس جاڭالىقتار