ارمەنيادان اكەلىنگەن مىڭعا جۋىق اۆتوكولىكتى اقتوبەلىكتەر 2020 جىلدىڭ 1 ماۋسىمىنان باستاپ تىركەدى. پوليتسيا 1 قىركۇيەكتە اتالعان اۆتوموبيلدەردى تىركەۋ مەرزىمى اياقتالاتىنىن جانە تىركەلمەگەن اۆتوكولىكتەردىڭ بارلىق يەلەرى قر اقبتك-ءنىڭ 590-بابى بويىنشا اكىمشىلىك جاۋاپكەرشىلىككە تارتىلاتىنىن ەسكە سالدى.
ارمەنيادان اقتوبە وبلىسىنا ەكى مىڭنان استام اۆتوكولىك اكەلىندى. بۇگىنگى كۇنى رەسمي دەرەكتەر بويىنشا اقتوبە وبلىسىنىڭ اۋماعىندا 965 اۆتوكولىك قۇرالى ەسەپكە الىندى, بۇل تەك 43% – دى قۇرايدى. ازاماتتاردىڭ اۆتوكولىكتەردى تىركەۋ جۇمىستارى قارقىندى تۇردە جۇزەگە اسىرىلىپ جاتىر. ءبىر كۇندە 60-تان اسا اۆتوكولىكتەر تىركەۋگە الىنعان.
وبلىستىق پوليتسيا دەپارتامەنتى اۆتوكولىك يەلەرىن اۆتوكولىكتەردى تىركەۋگە اسىعۋعا شاقىرادى, ويتكەنى تىركەۋدىڭ سوڭعى كۇندەرىندە ارنايى مامانداندىرىلعان حالىققا قىزمەت كورسەتۋ ورتالىعىندا ادامدار كوپ جينالۋى مۇمكىن, بۇل ءبىرىنشى كەزەكتە ازاماتتارعا قولايسىزدىق تۋدىرادى.
ەستەرىڭىزگە سالا كەتەيىك, قاۋلىعا سايكەس كولىك قۇرالىن تىركەۋ قۇنى 11 946 تەڭگەنى قۇرايدى. وعان 695 تەڭگە (0,25 اەك) – تىركەۋ ءۇشىن الىم; 3 773 تەڭگە (1,25 اەك) – تىركەۋ كۋالىگى ءۇشىن باج; 7 778 تەڭگە (2,8 اەك) – مەملەكەتتىك ءنومىر ءۇشىن باج كىرەدى.
تىركەۋ ەرەجەلەرىن ءتۇسىندىرۋ ءۇشىن پوليتسيا دەپارتامەنتىندە 525-100 تەلەفونى بويىنشا Call-ورتالىق جۇمىس ىستەيدى. ازاماتتارعا ىڭعايلى بولۋ ءۇشىن جۇمىس رەگلامەنتى وزگەردى, قابىلداۋ سەنبى كۇنى ساعات 09:00-دەن 14:00-گە دەيىن جۇرگىزىلەدى, سونداي-اق جۇمىس كۇندەرى جۇمىس ءتارتىبى 09:00-دەن 17:00-گە دەيىن ۇزارتىلدى.
