الماتى وبلىسىندا سەنات سايلاۋىنا وبلىستىق جانە قالالىق ءماسليحاتتاردان 287 دەپۋتات قاتىسىپ, داۋىس بەردى.
بۇل 17 اۋدان 3 قالا بويىنشا حالىق قالاۋىلار سانىنىڭ 92 پايىزى. داۋىس بەرۋ بارلىق سانيتارلىق تالاپتارعا ساي, ارا قاشىقتىقتى ساقتاۋ, زالالسىزداندىرۋ جۇمىستارىن جۇرگىزە وتىرىپ, جوعارى دەڭگەيدە ۇيىمداستىرىلدى.
وڭىردەن جالپى 9 كانديدات تىركەلىپ, 7 ۇمىتكەر ءارتۇرلى سەبەپپەن دودادان شىعىپ قالدى. سايلاۋعا ەكى ۇمىتكەر قاتىستى. ولاردىڭ ءبىرى وبلىستىق ءماسليحاتتىڭ حاتشىسى سۇلتان دۇيسەمبينوۆ بولسا, ەكىنشى كانديدات ايماقتىق كاسىپوداقتار بىرلەستىگىنىڭ توراعاسى اسەت قىدىرمانوۆ.
سايلاۋشىلاردىڭ 92 پايىز داۋىسىمەن سۇلتان دۇيسەمبينوۆ جەڭىسكە جەتتى.
