ماسەلەن, اقتوبە وبلىسىندا بولعان ءماجىلىس دەپۋتاتتارى گلەب ششەگەلسكي, دانيا ەسپاەۆا جانە سەرگەي سيمونوۆ سالىنىپ جاتقان «يۋجنىي وبحود» نىسانىندا بولدى. بۇل نىسان بۇگىندە 600 دەن استام اقتوبەلىكتەردى جۇمىسپەن قامتۋعا جول اشتى. ونىڭ 200 “جۇمىسپەن قامتۋ جول كارتاسى” اياسىندا ورنالاستى. بۇل جول قۇرلىسى قاجەتتىلىگى تۋرالى ماسەلە ەرتە تۋىنداعان. مەردىگەرلەردىڭ ايتۋىنشا, قۇرلىسقا قولدانىلعان ماتەريالداردىڭ بارلىعى قازاقستاندىق ونىمدەر. ونىڭ دەنى وسى ايماقتا وندىرىلگەن.
ءماجىلىس دەپۋتاتتارى ەلەك وزەنى ارقىلى وتەتىن اۆتووتكەل نىسانىندا بولدى. مەردىگەرلەردىڭ ايتۋىنشا, كوپىر قۇرلىسى «ماۆر» جۇيەسى بويىنشا جۇرگىزىلەدى. ال, ءماجىلىس دەپۋتاتى گۇلنار بيجانوۆا قاراعاندى وبلىسىندا بولىپ, قارقارالى اۋدانىندا مەملەكەتتىك باعدارلاما جايىمەن تانىستى. جەرگىلىكتى بيلىك وكىلدەرىنىڭ ايتۋىنشا بۇگىندە اۋداندا جالپى سوماسى 5 ملرد. 88,9. تەڭگەنى قۇرايتىن 10 مەملەكەتتىك باعدارلاما جۇزەگە اسىرىلۋدا. “جۇمىسپەن قامتۋ جول كارتاسى" بويىنشا 18 جوبا قولعا الىنۋدا. بۇل ماقساتقا 998 944,0 مىڭ تەڭگە ءبولىنىپ, 250 جەرگىلىكتى تۇرعىن جۇمىسقا ورنالاستىرىلعان. ساپار بارىسىندا دەپۋتات ازاماتتاردى باسپانامەن قامتۋ جايىنا دا باسا نازار اۋداردى. كوپ بالالى, الەۋمەتتىك از قامتىلعان جانە بيۋدجەتتىك سالا قىزمەتكەرلەرى ءۇشىن اۋداندا 18 پاتەرلى, 4 تۇرعىن ءۇي سالىنۋدا. جالپى «نۇرلى جەر» باعدارلاماسى بويىنشا 1 203,2 ملن تەڭگەگە تۇرعىن ءۇي سالىنۋدا. اۋداندا اۋىلدىق اۋماقتاردى جاڭعىرتۋعا باعىتتالعان «اۋىل-ەل بەسىگى» جوباسىنا باسا كوڭىل بولىنگەن. وسى ماقساتتا بىرقاتار نىساندارعا كۇردەلى جوندەۋ جۇرگىزىلۋدە. جۇمىس بارىسىندا گ.بيجانوۆا بىرقاتار مەديتسينالىق مەكەمەلەر مەن ءدارىحانالاردى ارالادى.
ەلىمىزدە قالىپتاسقان جاعدايعا بايلانىستى قازاقستان حالقى اسسامبلەياسى دەپۋتاتتارى دا قازاقستاندىقتارعا بەلسەندى قولداۋ كورسەتتى. دەپۋتات احمەت مۋرادوۆ قحا وكىلدەرىمەن, كاسىپكەرلەرمەن جانە ەرىكتىلەرمەن بىرگە اۋرۋحانالارعا قاجەت قۇرالدار جەتكىزدى. كومەككە مۇقتاج جاندارعا ازىق-ت ۇلىك باسقا دا زاتتاي كومەك كورسەتىلدى. دەپۋتاتتار ايماقتاعى جۇمىستارىن جالعاستىرا وتىرىپ, الداعى ۋاقىتتا ازاماتتاردىڭ الەۋمەتتىك احۋالىن قاتاڭ باقىلاۋدا ۇستاماق.
