ايماقتار • 12 تامىز، 2020

قىزىلوردا وبلىسىندا ۆيرۋس ديناميكاسى تۇراقتالىپ كەلەدى

59 رەت كورسەتىلدى

كارانتيندىك شەكتەۋلەردىڭ اسەرى وڭىردەگى ەپيدەميولوگيالىق احۋالدىڭ جاقسارۋىنا، ۆيرۋس ديناميكاسىنىڭ تۇراقتانۋىنا الىپ كەلدى. ىندەت ورشىگەن كەزدەن بەرگى جاعدايمەن سالىستىرعاندا ۆيرۋس جۇقتىرعاندار سانى ازايىپ، ساۋىعىپ شىققاندار قاتارى كوبەيدى، - دەپ حابارلايدى Egemen.kz قىزىلوردا وبلىسى اكىمىنىڭ ءباسپاسوز قىزمەتىنە سىلتەمە جاساپ.

بۇگىنگى كۇنى ينفەكتسيالىق ستاتسيوناردا 51 ادام ەم الۋدا. اۋداندارداعى اۋرۋحانالار ىشىنەن اشىلعان پروۆيزورلىق ستاتسيونارلار جابىلۋدا. ماسەلەن، كەشە جاڭاقورعان اۋدانىنىڭ اۋرۋحاناسىنان سوڭعى ناۋقاس ايىعىپ شىعىپ، ۇيىنە ورالدى. ەمدەۋ مەكەمەلەرى جوسپارلى قابىلداۋعا قايتا كىرىسۋدە.

ىندەتتى ورشىتپەۋ ماقساتىندا وڭىردە 6 كومپيۋتەرلىك توموگرافيا جۇمىس ىستەپ تۇر. دەگەنمەن، ءالى دە 2 اپپاراتقا قاجەتتىلىك بار. دەگەنمەن، رەنتگەن اپپاراتىن الۋ ءبىر اي ىشىندە 2 ەسەگە ءوستى. بۇرىن 22 اپپارات بولسا، قازىر 52 اپپاراتقا دەيىن جەتىپ وتىر. وكپەنى جاساندى جەلدەتۋ اپپاراتتارى دا قاجەتتىلىككە قاراي الىنعان. شىلدە ايىندا اپپارات سانى 64 بولسا، جاڭادان 53 يۆل اپپاراتى الىندى. تۇراقتى قولداۋ شارالارىنىڭ ناتيجەسىندە ايماقتا بارلىعى 431 وتتەگى كونتسەنتراتورى، 896 وتتەگى باللوندارى بار. ال وڭىردە 10 پتر اپپاراتتارى حالىققا قىزمەت جاساپ، تاۋلىگىنە 1500 سىناما اناليزدەر الۋعا مۇمكىندىك بەردى.

ۆيرۋستى بولدىرماۋدا ءدارى-دارىمەكتىڭ قورىن جاساقتاۋ ماڭىزدى. وبلىستا بارلىق مەديتسينا مەكەمەلەرى دارىلىك زاتتارمەن جانە قورعانىش قۇرالدارىمەن قامتاماسىز ەتىلدى. بۇگىنگى كۇنى قاجەتتىلىك ەسەپكە الىنىپ، ەمدەۋ مەكەمەلەرىندە 2 ايعا جەتەرلىك قور قالىپتاستى. ال، ءدارىحانالاردا 1 ايعا جەتەرلىك قورى جاساقتالدى.

وڭىردە جەدەل-جاردەم شاقىرتۋلارى دا ازايدى. ماۋسىم ايىنداعى شاقىرتۋ سانىمەن سالىستىرعاندا بۇگىندە ناۋقاستاردىڭ قوڭىراۋلارى ەكى ەسەگە تومەندەگەن. بۇرىن 2120 شاقىرۋ تۇسسە، قازىر شاقىرتۋ 1001-ءدى قۇراپ وتىر. دەمەك، جۇكتەمە تومەندەدى. شەكتەۋ شارالارىنىڭ وڭ اسەرىنەن ستاتسيونارعا جەتكىزىلگەن ادامدار سانى 8 ەسەگە قىسقاردى. ماۋسىمدىق كورسەتكىش 450 بولسا، شىلدەدە 57-گە تومەندەدى. جەكە ازاماتتاردىڭ قاۋىپسىزدىكتى ساقتاپ، وقشاۋلانىپ، قاجەتتى ەم-شارالارىن الۋىنا اقپاراتتىق تۇسىندىرمە جۇمىستارىنىڭ وڭ اسەرى ءتيدى. وڭىردە 24 ساعات call ورتالىعى جۇمىس جۇرگىزىپ، 161 ءموبيلدى توپ قۇرىلدى. بىلىكتىكتى دارىگەرلەردىڭ قاتىسۋىمەن "دارىگەر ساعاتى" باعدارلاماسى اشىلىپ، تىكەلەي ەفيردە حالىققا قاجەتتى اقپارات ۇسىنىلدى. باق پەن الەۋمەتتىك جەلىدە 37887 ماتەريال، 220 بريفينگ وتكەن.

سوڭعى اپتالىق احۋالدىڭ جاقسارۋىنا سايكەس مەديتسينا ماماندارى تۇرعىنداردىڭ كارانتيندىك تالاپتاردى ساقتاپ، وقشاۋلانۋ قاعيداسىمەن ءجۇرۋ قاجەتتىگىن سۇرايدى. تەك شەكتەۋلەردىڭ ناتيجەسىندە عانا ايىققاندار سانى كوبەيىپ، ۆيرۋس ىندەتىن تۇبەگەيلى جويۋ مۇمكىندىگى بولادى.

سوڭعى جاڭالىقتار

ءوندىرىس وركەندەگەن ءوڭىر

ايماقتار • بۇگىن، 22:30

مەكتەپتەردى اشاتىن كەز كەلدى

ءبىلىم • بۇگىن، 22:25

جامبىلدىڭ جارقىن بەينەسى

ونەر • بۇگىن، 22:20

شىرقاۋ شىڭى شوقاننىڭ

رۋحانيات • بۇگىن، 22:10

ماەسترونىڭ شەبەرلىك ساباعى

تەاتر • بۇگىن، 22:08

Amazon قانداي مۇمكىندىك سىيلايدى؟

تەحنولوگيا • بۇگىن، 21:47

ۇقساس جاڭالىقتار