جاڭا قوندىرعى 24 500 نم3/ساع وتتەگى گازىن, سونداي-اق شويىن, بولات جانە مەتالل ءوندىرۋ ءۇشىن قاجەت 28 000 نم3/ساع ازوت گازىن شىعارادى. سونىمەن قاتار, ونەركاسىپتىك گازداردى قولدانۋ سپەكترى وتە كەڭ – مەديتسينادان باستاپ ەلەكترونيكا وندىرىسىنە دەيىن, وندا جوعارى تازا گازدار مەن ارنايى گازدار قولدانىلادى.
اۋا ءبولۋ قوندىرعىسىنىڭ (ابق) تەحنولوگيالىق پروتسەسىندە گەنەراتورى بار تيىمدىلىگى جوعارى تۋربودەتاندەر قولدانىلادى, بۇل قوندىرعىنىڭ جۇمىسىن ەكولوگيالىق تازا ەتەدى, ەلەكتر ەنەرگياسىن تۇتىنۋدى ازايتادى. نىساندى پايدالانۋعا بەرۋ "ارسەلورميتتال تەمىرتاۋ" اق تۇتىنۋشى تسەحتارىن اۋانى ءبولۋ ونىمدەرىمەن قامتاماسىز ەتۋدىڭ سەنىمدىلىگىن ارتتىرۋعا مۇمكىندىك بەرەدى.
"2013 جىلدان باستاپ كومپانيا وبلىس اۋماعىندا جۇمىس ىستەپ, دامىپ كەلەدى. ەكىنشى كاسىپورىن – بۇل ءوڭىردىڭ ينۆەستيتسيالىق احۋالىنا جانە ارىپتەستىك قارىم-قاتىناستاردىڭ سەنىمدىلىگىنە وڭ باعا بەرۋ ەكەنىن اتاپ وتكىم كەلەدى. ءبىزدىڭ تاراپىمىزدان بارىنشا قولداۋ كورسەتىلىپ, دامۋ ءۇشىن بارلىق جاعداي جاسالعان", - دەپ اتاپ ءوتتى قاراعاندى وبلىسىنىڭ اكىمى جەڭىس قاسىمبەك.
"پاندەميا جاعدايىنداعى جاڭا جوبانى ىسكە قوسسۋ – جاقسى بەلگى. وسى ايلاردا سىرتقى ىستەر مينيسترلىگىنىڭ جۇمىسى جۇمىس ىستەپ تۇرعان كاسىپورىنداردىڭ وندىرىستىك پروتسەستەرىن, جابدىقتاردى, كومپونەنتتەردى نەمەسە شيكىزاتتى شەتەلدەن جەتكىزۋگە, سونداي-اق شەتەلدىك جۇمىس كۇشىنىڭ كىرۋىنە تاۋەلدىلىگى بار ىسكە اسىرىلاتىن ينۆەستيتسيالىق جوبالارداعى قۇرىلىس-مونتاجداۋ جانە ىسكە قوسۋ-رەتتەۋ جۇمىستارىن قامتاماسىز ەتۋگە باعىتتالعان.
Linde – ونەركاسىپتىك, مەديتسينالىق گازدار جانە ينجينيرينگ سالاسىنداعى جەتەكشى الەمدىك كومپانيا, ءبىز ءۇشىن ستراتەگيالىق ماڭىزدى سەرىكتەس. بۇل قازاقستانداعى حالىقارالىق كومپانيانىڭ ەكىنشى ينۆەستيتسيالىق جوباسى. 2013 جىلى تەمىرتاۋ قالاسىندا اۋا ءبولۋ زاۋىتى ءوز جۇمىسىن باستادى. مەن, قاراعاندى وبلىسى اكىمىنىڭ ورىنباسارى رەتىندە, 2018 جىلى جاڭا قوندىرعىنىڭ قازىعىنىڭ قاعىلۋىنا قاتىستىم, ەكى جىلدان كەيىن وسى جوبانىڭ ۋاقتىلى ىسكە قوسىلعانىنا قۋانىشتىمىن. كومپانيا قر ءسىم ينۆەستيتسيالار جونىندەگى كوميتەتىمەن ينۆەستيتسيالىق كەلىسىمشارت جاساپ, پرەفەرەنتسيالار الدى. جوبا قاراعاندى وبلىسىندا حيميا ونەركاسىبىن دامىتۋعا ۇلكەن سەرپىن بەرەتىنىنە سەنىمدىمىن. سونداي - اق, وسى كۇردەلى كەزەڭدە كاسىپورىن اۋرۋحانالاردىڭ قاجەتتىلىكتەرى ءۇشىن وتتەگىن جەتكىزۋدى جولعا قويعانىن اتاپ وتەمىن", - دەپ ءتۇسىندىردى قر سىرتقى ىستەر ءمينيسترىنىڭ ورىنباسارى الماس ايداروۆ.
سالانىڭ دامۋىنا قازاقستانداعى ەڭ ءىرى مەتاللۋرگيالىق كاسىپورىن وكىلدەرى دە اسەرىن اتاپ ءوتتى: "اۋانى ءبولۋدىڭ جاڭا قوندىرعىسىن ىسكە قوسۋ ونەركاسىپتىك گازدارمەن, وتتەگىمەن جانە ازوتپەن تۇراقتى سەنىمدى قامتاماسىز ەتەدى. جاڭا بلوك ەنەرگەتيكالىق تۇرعىدان زاماناۋي جانە ۇنەمدى. ءبىزدىڭ "ليندە گاز قازاقستان» كومپانياسىمەن ىنتىماقتاستىعىمىزدى تابىستى دەپ سانايمىن. بولاشاقتا ءبىزدىڭ ىنتىماقتاستىعىمىز ەنەرگەتيكا جانە كومبينات تسەحتارىن ونەركاسىپتىك گازدارمەن قامتاماسىز ەتۋ بويىنشا ۇزدىك پوزيتسيالاردى الۋعا كومەكتەسەدى دەپ ۇمىتتەنەمىن", – دەدى "ارسەلورميتتالتەمىرتاۋ" اق اتقارۋشى ديرەكتورى ۆاديم باسين.
Linde نەمىس ترانسۇلتتىق كومپانياسى ودان ءارى ىنتىماقتاستىققا مۇددەلى: ء"بىزدىڭ "ارسەلورميتتالتەمىرتاۋ" كومپانياسىمەن ىنتىماقتاستىعىمىزدى اتاپ وتكىم كەلەدى, ول ۇزاق ۋاقىتقا سوزىلادى جانە ول وسى زاۋىتتىڭ قۇرىلىسىندا اياقتالمايدى دەپ ويلايمىن", – دەپ اتاپ ءوتتى "ليندە گاز قازاقستان" جشس باس ديرەكتورى باتىرجان تەرگەۋسىزوۆ.
"KAZAKH INVEST" ۇك" اق تاراپىنان ينۆەستورعا وندىرىستىك الاڭدى انىقتاۋعا, ينۆەستيتسيالىق كەلىسىمشارت جاساسۋعا كومەك كورسەتىلدى, مەملەكەتتىك ورگاندارمەن ءوزارا ءىس-قيمىلدى ۇيىمداستىرۋ بولىگىندە جوبانى سۇيەمەلدەۋ قامتاماسىز ەتىلدى. سونىمەن قاتار, كومپانيا جالپى الەمدىك جاعداي ءوزىنىڭ تۇزەتۋلەرىن ەنگىزىپ, پروتسەستىڭ بارلىق قاتىسۋشىلارىن بىرقاتار ماسەلەلەر بويىنشا شەشىمدەردى جەدەل ىزدەۋگە ىنتالاندىرعانىن اتاپ ءوتتى.
ينۆەستيتسيالار مەن جوعارى تەحنولوگيالاردى قولدانۋدىڭ ارقاسىندا بۇل جوبانى ىسكە اسىرۋ قاراعاندى وبلىسىنىڭ حيميا ونەركاسىبى ءۇشىن ماڭىزدى وقيعا بولدى. COVID-19 پاندەمياسىنان تۋىنداعان قيىندىقتارعا قاراماستان, جول ءجۇرۋ شەكتەۋلەرى بويىنشا قۇرىلىس جۇمىستارى ەكى جىلعا سوزىلدى. ايتا كەتەيىك, مونتاجداۋ جۇمىستارى مەن ىسكە قوسۋ-رەتتەۋ جۇمىستارى العاش رەت ەۋروپالىق ساراپشىلاردىڭ قولداۋىمەن قاشىقتان ورىندالدى, ولار قازىرگى زامانعى تسيفرلىق بايلانىس قۇرالدارىنىڭ كومەگىمەن تىكەلەي تەمىرتاۋ قالاسىندا جۇرگىزىلەتىن جۇمىستاردى قاشىقتىقتان باسقاردى.
