ايماقتار • 12 تامىز، 2020

ا.ساپاروۆ الماتى وبلىسىنداعى ەگىن جيناۋ بارىسىمەن تانىستى

18 رەت كورسەتىلدى

اۋىل شارۋاشىلىعى ءبىرىنشى ۆيتسە-ءمينيسترى ايداربەك ساپاروۆ الماتى وبلىسىنا جۇمىس ساپارىمەن باردى. ساپار بارىسىندا ول بىرقاتار شارۋا قوجالىقتارىن ارالاپ، ايماقتاعى ەگىن جيناۋ ناۋقانىنىڭ بارىسىمەن تانىستى.

2020 جىلى الماتى وبلىسىنىڭ فەرمەرلەرى 970 مىڭ گەكتارعا جۋىق ەگىن ەكتى. بۇل 2019 جىلمەن سالىستىرعاندا، 7،5 مىڭ گەكتارعا ارتىق. ءداندى جانە بۇرشاق داقىلدارى - 470 مىڭ گەكتارعا، مايلى داقىلدار - 154،7 مىڭ گەكتارعا، قانت قىزىلشاسى 16 مىڭ گەكتارعا، جۇگەرى - 86،5 مىڭ گا، كارتوپ - 40،3 گا، كوكونىستەر - 32،5 مىڭ گا، باقشا داقىلدارى - 4،3 مىڭ گا ەگىلدى.

بۇگىنگى تاڭدا فەرمەرلەر 180 مىڭ گەكتار جەردەن ءداندى جانە بۇرشاق داقىلدارىن جينادى (جينالعان الاڭنىڭ 38،2%-ى). قازىردىڭ وزىندە 308 مىڭ توننا استىق باستىرىلدى، وبلىس بويىنشا ورتاشا ونىمدىلىك 17،1 تس/گا قۇرايدى.

ءبىرىنشى ۆيتسە-مينيستر ا.ساپاروۆتىڭ ايتۋىنشا، ەگىن جيناۋ بەلگىلەنگەن جوسپار بويىنشا ءجۇرىپ جاتىر.

"مينيسترلىك پەن اكىمدىكتەر فەرمەرلەردى قارجى، جانار-جاعار ماي، اۋىلشارۋاشىلىق حيميا ونىمدەرىمەن ۋاقتىلى قامتاماسىز ەتۋ بويىنشا جۇمىستار جۇرگىزدى. وسىنىڭ ءبارى تازارتۋدى بىلتىرعىدان ەرتەرەك باستاۋعا مۇمكىندىك بەردى"، - دەدى ا.ساپاروۆ.

ساپار بارىسىندا ءبىرىنشى ۆيتسە-مينيستر "بايسەركە-اگرو" جشس-ءنىڭ القاپتارىن ارالاپ، "ۇلتتىق اگرارلىق عىلىمي-ءبىلىم بەرۋ ورتالىعى" كەاق  جۇيەسىنە كىرەتىن اۋىل شارۋاشىلىعى حولدينگى مەن مامانداندىرىلعان عىلىمي-زەرتتەۋ ينستيتۋتتارىنىڭ بىرلەسكەن جۇمىسىنىڭ ناتيجەلەرىمەن تانىستى.

ايتا كەتەيىك، جىل باسىنان بەرى قر اۋىل شارۋاشىلىعى مينيسترلىگى فەرمەرلەرگە عىلىمي زەرتتەۋلەر جۇرگىزۋ مەن يننوۆاتسيالاردى ەنگىزۋ شىعىندارىن وتەي باستادى. مەملەكەتتىك كومەك عىلىمي ۇيىمداردىڭ قىزمەتتەرىن ساتىپ الۋ شىعىندارىنىڭ 80% - ىن جابادى. بۇل بيزنەس پەن عىلىمنىڭ ينتەگراتسياسىن قامتاماسىز ەتەدى جانە  اۋىل كاسىپكەرلەرىن عىلىمي زەرتتەۋلەر ينۆەستيتسيالارىنا ىنتالاندىرادى.

ەستەرىڭىزگە سالا كەتەيىك، بۇعان دەيىن حابارلاعانىمىزداي جاپپاي ەگىن جيناۋ ناۋقانى اقتوبە، الماتى، شىعىس قازاقستان، جامبىل، باتىس قازاقستان، قىزىلوردا جانە تۇركىستان وبلىستارىندا جۇرگىزىلىپ جاتىر.  بۇگىنگى تاڭدا 1 ميلليون گەكتارعا جۋىق ەگىن جينالدى.

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار