وسىعان بايلانىستى پەرسونالدى ىرىكتەۋدە دە, ولاردى مانساپتىق ساتى بويىنشا ودان ءارى جوعارىلاتۋدا دا جاڭا تاسىلدەر قارالۋدا.
ستۋدەنتتىك شاقتان مامانداردى مەملەكەتتىك قىزمەتكە دايىندايتىن "مانساپ" اقتوبە مەملەكەتتىك قىزمەت مەكتەبى وڭىردەگى مەملەكەتتىك قىزمەتكەرلەر قاتارىن جاس كادرلارمەن تولىقتىرۋعا جىل سايىن ۇلەسىن قوسۋدا. بۇگىنگى تاڭدا اتالعان مەكتەپ تۇلەكتەرىنىڭ 70% - دان استامى مەملەكەتتىك قىزمەتشىلەر بولىپ تابىلادى.
جالپى العاندا, بۇگىندە وبلىستىڭ مەملەكەتتىك قىزمەتىندە 1044 جاس مەملەكەتتىك قىزمەتشى ەڭبەك ەتەدى, ونىڭ 88-ءى باسشىلىق لاۋازىمداردا. ايتا كەتەيىك, جىل سايىن وڭىردەگى مەملەكەتتىك قىزمەتشىلەردىڭ ءبىلىم بويىنشا ساپالىق قۇرامى جاقسارۋدا.
وسىلايشا, وڭىرلىك مەملەكەتتىك قىزمەت سالاسىندا 3 «بولاشاق» باعدارلاماسىنىڭ جانە 5 قر پرەزيدەنتى جانىنداعى مەملەكەتتىك باسقارۋ اكادەمياسىنىڭ تۇلەكتەرى ەڭبەك ەتۋدە.
ال جىل باسىنان مەملەكەتتىك قىزمەت سالاسىنىڭ تابالدىرىعىن 76 جاس مامان اتتاعان.
سونىمەن قاتار, 300 جاس قازاقستاندىقتان قۇرالعان پرەزيدەنتتىك جاستار كادرلىق رەزەرۆى جاس باسقارۋشىلار پۋلىن ايتارلىقتاي تولىقتىرعانى انىق. قازاقستان بويىنشا ىرىكتەۋگە 35 جاسقا دەيىنگى 289 جاس اقتوبەلىك قاتىستى. بۇگىنگى تاڭدا 12 رەزەرۆشىنىڭ 9-ى جوعارى لاۋازىمعا تاعايىندالدى.
مىسالى, 28 جاستاعى نۇرجان ماقساتوۆ وبلىستىق ەكونوميكا جانە بيۋدجەتتىك جوسپارلاۋ باسقارماسى باسشىسىنىڭ ورىنباسارى بولىپ تاعايىندالدى.
قازاقستان-بريتان تەحنيكالىق ۋنيۆەرسيتەتىنىڭ تۇلەگى ەڭبەك جولىن 2014 جىلى وبلىستىق يندۋستريالىق-يننوۆاتسيالىق دامۋ باسقارماسىنىڭ ءىس جۇرگىزۋ ينسپەكتورى بولىپ باستاعان. ءار جىلدارى وبلىستىق يندۋستريالىق - يننوۆاتسيالىق دامۋ باسقارماسىنىڭ باس مامانى جانە ءبولىم باسشىسى بولىپ قىزمەت اتقارعان.
"پرەزيدەنتتىك كادر رەزەرۆىنە قاتىسقان 13 مىڭ ادامنىڭ قاتارىنان, ۇزدىك ۇشجۇزدىككە ەنۋ ماعان كۇشىمدى سىناپ, سونداي-اق مەنىڭ كۇشتى جانە ءالسىز جاقتارىمدى تۇسىنۋگە مۇمكىندىك بەردى. سونىمەن قاتار, قوسىمشا تاجىريبە الىپ, ءار ءتۇرلى سالاداعى ماماندارمەن جاقسى بايلانىس ورناتتىم. بۇل جوبا ءبولىم باسشىسىنان اقتوبە وبلىسىنىڭ ەكونوميكا جانە بيۋدجەتتىك جوسپارلاۋ باسقارماسى باسشىسىنىڭ ورىنباسارىنا دەيىن وسۋىمە سەرپىن بولدى", - دەيدى رەزەرۆيست.
سونىمەن قاتار, مەملەكەتتىك قىزمەتكە ءتۇسۋ ءراسىمىن جەڭىلدەتۋ جانە مەملەكەتتىك قىزمەتشىلەردى الەۋمەتتىك قولداۋ شارالارىن كۇشەيتۋ دە نازاردان تىس قالمايدى.
وسىلايشا, وسى جىلدان باستاپ مەملەكەت باسشىسى كادرلىق الەۋەتتى كۇشەيتۋگە باعىتتالعان "ديپلوممەن اۋىلعا" باعدارلاماسىنا مەملەكەتتىك قىزمەتشىلەردىڭ قاتىسۋىنا مۇمكىندىك بەردى.
سونداي-اق, وسى جىلى دەپارتامەنتتىڭ باستاماسىمەن ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىندە HR-مامانداردى وقىتۋ بويىنشا جوبا قولعا الىندى.
