رەسپۋبليكالىق جەدەل-قۇتقارۋ جاساعىنىڭ كەزەكشى بولىمىنە وقيعا تۋرالى اقپارات 11 تامىزعا قاراعان ءتۇنى كەلىپ ءتۇستى. رجقج جەكە قۇرامىنان 7 ادام, سونىڭ ىشىندە كينولوگيالىق ەسەپ, جەدەل ماشينامەن وقيعا ورنىنا باردى.
ارقاندى جول جۇمىس ىستەمەگەندىكتەن, رجقج قۇتقارۋشىلارى شىمبۇلاقتان سول تالعار شاتقالىنا دەيىن جانە ودان ءارى بوگدانوۆيچ مۇزدىعىنىڭ ەتەگىنە قاراي جاياۋ ءجۇردى. جۇمىس شارتتارى قاراپايىم بولعان جوق. رجقج قۇتقارۋشىلارى قاراڭعىدا جارىقتاندىرۋ ءۇشىن شامداردى قولداندى. بيىكتىككە كوتەرىلە وتىرىپ, جوعارىدان قاۋىپتى قۇلاپ جاتقان تاستاردان تۇراتىن تىك بەتكەيگە كوتەرىلۋگە تۋرا كەلدى.
تاڭەرتەڭ رجقج قىزمەتكەرلەرى كومەككە مۇقتاج تۋريستەر توبىن تاپتى. زارداپ شەككەن ادامدى قاراپ, ونىڭ تالما اۋىرۋى ۇستامالارى بار ەكەندىگىن انىقتادى, تاۋ اۋرۋىنىڭ بەلگىلەرى دە بايقالدى. وقيعا ورنىندا العاشقى مەديتسينالىق كومەك كورسەتىپ, ەر ادامنىڭ جاعدايى قاناعاتتانارلىق ەكەنىنە كوز جەتكىزىپ, رجقج قۇتقارۋشىلارى ولاردى تومەنگە تۇسۋگە كىرىستى. زارداپ شەككەن ادامعا دوسى قوسىلدى, قالعان 7 ادام ءوز باعىتىن جالعاستىردى.
رجقج قۇتقارۋشىلارى زارداپ شەككەن ەر ادامدى دوسىمەن بىرگە قاۋىپسىز جەرگە جەتكىزدى, ولارعا سول جەردەن ۇيلەرىنە ورالۋ جەڭىل بولدى.
