ايماقتار • 11 تامىز، 2020

قىزىلوردا قالاسىنىڭ 200 تۇرعىنى ارمەنيادان اكەلىنگەن كولىگىن تىركەدى

53 رەت كورسەتىلدى

قازاقستان رەسپۋبليكاسى ازاماتتارىنىڭ ارمەنيا رەسپۋبليكاسىندا تىركەلگەن جەكەلەگەن كولىك قۇرالدارىن قازاقستان رەسپۋبليكاسىنا اكەلۋى مەن پايدالانۋىنىڭ كەيبىر ماسەلەلەرى تۋرالى قازاقستان رەسپۋبليكاسىنىڭ ۇكىمەتى قاۋلىسىنا سايكەس، قىزىلوردا وبلىسىندا اعىمداعى جىلدىڭ 1 ماۋسىم – 1 قىركۇيەك ارالىعىندا مامانداندىرىلعان حالىققا قىزمەت كورسەتۋ ورتالىعىندا ارمەنيا رەسپۋبليكاسىنان 2020 جىلدىڭ 1 اقپانىنا دەيىن اكەلىنگەن جانە قازاقستان ازاماتتارىنا تىركەلگەن كولىك قۇرالدارىن تىركەۋ جۇمىستارى جالعاسۋدا.

ارمەنيا رەسپۋبليكاسىنان اكەلىنگەن كولىك قۇرالدارىن قازاقستان رەسپۋبليكاسى سالىق كودەكسىنىڭ 615، 553-باپتارىندا بەلگىلەنگەن تارتىپتە مەملەكەتتىك تىركەۋ ءۇشىن الىم مەن مەملەكەتتىك باجدار تولەي وتىرىپ، باسقارۋ ورگاندارى سول جاقتا ورنالاسقان، ارمەنيا رەسپۋبليكاسىنىڭ ۋاكىلەتتى ورگاندارىندا قازاقستان رەسپۋبليكاسىنىڭ ازاماتتارىنا تىركەلگەن جانە قازاقستان رەسپۋبليكاسىنا 2020 جىلعى 1 اقپانعا دەيىن اكەلىنگەن كولىك قۇرالدارىن تىركەۋ جۇزەگە اسىرىلۋدا.

ماۋسىم ايىنان بەرى قىزىلوردا قالاسىنىڭ 200 تۇرعىنى ارمەنيا رەسپۋبليكاسىنان اكەلىنگەن كولىك قۇرالدارىن مامانداندىرىلعان حالىققا قىزمەت كورسەتۋ ورتالىعىنا قاجەتتى قۇجاتتاردى  ۇسىنىپ جانە  مەملەكەتتىك باج تولەمدەرىن تولەۋ ارقىلى ءوز كولىك قۇرالدارىن تىركەدى.

ەسەپكە الىنعان ماشينالارعا سارى ءنومىر بەرىلدى. وڭ جاق ءرولدى كولىكتەر تىركەۋگە جاتپايدى.

بۇگىنگى تاڭدا مامانداندىرىلعان حالىققا قىزمەت كورسەتۋ ورتالىعىندا قىزىلوردا وبلىسى پوليتسيا دەپارتامەنتىنىڭ اكىمشىلىك پوليتسيا باسقارماسىنىڭ قىزمەتكەرلەرى تۇرعىندارعا كەڭەس بەرىپ، Call – ورتالىعى  ارقىلى تۇسىندىرمە جۇمىستارى جۇرگىزىلۋدە. 

تىركەۋ جۇمىستارىنىڭ 1 قىركۇيەككە دەيىن جۇرگىزىلەتىندىگىن ەسكەرە وتىرىپ، قىزىلوردا وبلىسىنىڭ پوليتسيا دەپارتامەنتى تۇرعىنداردان ارمەنيا  رەسپۋبليكاسىنان اكەلىنگەن اۆتوكولىكتەردى تىركەپ ۇلگەرۋىن  سۇرايدى.

سوڭعى جاڭالىقتار

«دەمەۋ» جوباسى اۋىلدى دەمەيدى

ايماقتار • بۇگىن، 22:55

«قاراگوز» جاسىرعان شىندىق

ونەر • بۇگىن، 22:49

بەيقامدىق بەلەڭ الىپ تۇر

كوروناۆيرۋس • بۇگىن، 22:22

ۇلكەن قالادا اداسۋ

رۋحانيات • بۇگىن، 22:10

ۇقساس جاڭالىقتار