"باتپالداپ كىرىپ, مىسقىلداپ شىعىپ جاتقان ىندەت ىرگەمىزدەن ءالى كەتە قويعان جوق. دەنميننىڭ دەگەنىن ورىنداپ, ۆيرۋستىڭ تارالۋ ءوسىمىن توقتاتتىق. دەگەنمەن, كۇرەستىڭ كۇشى باسەڭدەمەيدى. ءتۇبى ءبىر تىلەكشىمىز تۇرىك اعايىندار دا بىلگەنىمەن بولىسۋگە دايىن. ۆيرۋسقا قارسى «سوعىستاعى» باستى جاۋىنگەر الەكسەي تسوي انكاراعا ارنايى بارىپ كەلدى. اۋرۋحاناسىن ارالاپ, دارىگەرلەردىڭ وزىق ادىستەمەلەرىن سۇرادى. قولدانىستاعى رەسۋرستى ءتيىمدى قولدانۋ بويىنشا پىكىر الماستى. ءوز كەزەگىندە قازاقستاندىق دەلەگاتسياسىنا باستاپ بارعان پرەمەر-ءمينيستردىڭ ورىنباسارى ەرالى توعجانوۆ تۇرىك تاراپىنا ەلىمىزدەگى قابىلدانعان شارالار تۋرالى بايانداپ بەردى. جاھان جۇرتشىلىعىنىڭ توبە شاشىن تىك تۇرعىزعان ىندەتپەن كۇرەستە ودان ءارى بىرلەسىپ ارەكەت ەتۋگە شاقىردى. اتاپ ايتقاندا, ءدارى-دارمەك پەن ناۋقاستاردى ەمدەۋگە قاجەتتى جابدىقتار ءوندىرىسى بويىنشا ارىپتەستىك ورناتۋعا ۋاعدالاستى. تۇركيا رەسپۋبليكاسىنىڭ دەنساۋلىق ساقتاۋ ءمينيسترى فاحريتين كوجا قازاق دەلەگاتسياسىنىڭ بارلىق ۇسىنىسى نازاردان تىس قالمايتىنىن جەتكىزدى. ەرالى توعجانوۆ پەن الەكسەي تسويدىڭ تۇركيا رەسپۋبليكاسىنا ساپارى ناقتى ناتيجەمەن قورىتىندىلاندى", دەلىنگەن حابارلامادا.
