ايماقتار • 11 تامىز، 2020

قازاقستاننىڭ ەنەرگيا تيىمدىلىگى كارتاسىنا 17 جوبا ەنگىزىلدى

25 رەت كورسەتىلدى

اعىمداعى جىلى قازاقستاننىڭ ەنەرگيا تيىمدىلىگى كارتاسىنا 17 جوبا ەنگىزىلدى، دەپ حابارلادى يدم ءباسپاسوز قىزمەتى.

جوبالاردىڭ اياقتالۋى بويىنشا كۇتىلەتىن جىلدىق ۇنەم 1،4 ملرد تەڭگەنى قۇرايدى. ەنەرگيا تيىمدىلىگى كارتاسىنداعى جوبالاردىڭ جالپى سانى – 134، وعان 65 ملرد تەڭگە كولەمىندە قارجى قاراستىرىلعان.

ەنەرگيا تيىمدىلىگى كارتاسىنىڭ جاڭا جوبالارى: وسكەمەن، سەمەي قالالارىندا جانە باسقا دا وڭىرلەردە كوشە جارىعىن جاڭعىرتۋ; اۆتوماتتاندىرىلعان جىلۋ پۋنكتىن ورناتۋ جانە ەنەرگيا ۇنەمدەيتىن شامداردى ورناتۋ; تاراز قالاسىنىڭ سىرتقى جارىقتاندىرۋ جۇيەسىن جاڭعىرتۋ جانە سەنىمگەرلىك باسقارۋ; جىلىتۋ جۇيەسىن جاڭعىرتۋ جانە سەرۆيستىك قىزمەت كورسەتۋ ايتەكە بي كەنتىندەگى امبۋلاتوريالىق-ەمحانالىق قىزمەتى بار قازالى ورتالىق اۋداندىق اۋرۋحاناسى مەن ارال اۋداندىق مۇراعاتىندا،  ارال قالاسىنداعى №2 وبلىستىق ارنايى ساناتورلىق مەكتەپ-ينتەرناتى جانە يندۋستريالىق-تەحنيكالىق كوللەدجىندە; جاڭاقورعان اگرارلىق-تەحنيكالىق كوللەدجى جانە جاڭاقورعان اۋدانى اكىمى اپپاراتىنىڭ اكىمشىلىك عيماراتىن; جاڭاقورعان كەنتىندەگى امبۋلاتوريالىق-ەمحانالىق قىزمەتى بار جاڭاقورعان اۋداندىق ورتالىق اۋرۋحاناسى جانە جاڭاقورعان اۋداندىق مۇراعاتىن; شيەلى يندۋستريالىق-اگرارلىق كوللەدجى جانە شيەلى كەنتىندەگى وبلىستىق بالالاردى وڭالتۋ ورتالىعىن; شيەلى اۋداندىق مۇراعاتى مەن شيەلى كەنتىندەگى امبۋلاتوريالىق-ەمحانالىق قىزمەتى بار شيەلى اۋداندىق ورتالىق اۋرۋحاناسىندا كوزدەلگەن، سونداي-اق قىزىلوردا قالاسىنداعى ارنايى مەديتسينالىق جابدىقتاۋ بازاسىنىڭ جىلىتۋ جۇيەسىن جاڭعىرتۋ جانە سەرۆيستىك قىزمەت كورسەتۋ باعىتىندا جۇمىستار جۇرگىزىلمەك.

ەنەرگيا تيىمدىلىگى كارتاسى-ەنەرگيا سەرۆيستىك كەلىسىمشارتتار تەتىگى ارقىلى ىسكە اسىرۋعا دايىن ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى جوبالاردىڭ بىرىڭعاي رەسپۋبليكالىق تىزبەسى. ەنەرگياسەرۆيستىك كەلىسىمشارت تارتىلعان ەنەرگياسەرۆيستىك كومپانيانىڭ قاراجاتى (جەكە، نەسيەلىك) ەسەبىنەن، جەكە شىعىنداردىڭ ورنىن تولتىرۋ مەن ەنەرگياشىعىننىڭ ءىس جۇزىندە قول جەتكىزىلگەن ۇنەمدىلىگىنەن قارجىلىق تابىس الۋ ارقىلى تاپسىرىس بەرۋشىنىڭ كاسىپورنىنا ەنەرگيا ۇنەمدەيتىن تەحنولوگيانى ەنگىزۋ بويىنشا جۇمىستار كەشەنىن مامانداندىرىلعان ەنەرگياسەرۆيستىك كومپانيانىڭ ورىنداۋىن بولجايدى.

ەنەرگيا ۇنەمدەيتىن تەحنولوگيالاردى ەنگىزۋ – بۇل ءاربىر ناقتى كاسىپورىننىڭ نارىقتاعى ومىرشەڭدىگى، ونىڭ باسەكەگە قابىلەتتىلىگى مەن دامۋ كەلەشەگى تۋرالى سۇراق. جەكە قاراجاتتار جوق كەزدە بارىنشا ءتيىمدى ارەكەت نۇسقاسى ەنەرگياسەرۆيستىك كەلىسىمشارتتى قولدانۋ ارقىلى جاڭارتۋ بولىپ تابىلادى.

ايتا كەتەرلىگى، ەنەرگياسەرۆيستىك كەلىسىمشارتتىڭ وزگە ەنەرگيا ۇنەمدەيتىن ءىس-شارالاردى قارجىلاندىرۋ تۇرىنەن نەگىزگى قاعيداعا ساي ايىرماشىلىعى كاسىپورىنعا جەكە قاراجاتىن سالۋدىڭ قاجەت ەمەستىگى بولىپ تابىلادى. ياعني، كاسىپورىن قارجىلىق شىعىنعا ۇشىراماي-اق، جاڭا قۇرىلعى يەلەنۋ مەن ەنەرگياتيىمدى تەحنولوگيالار ەنگىزۋ مۇمكىندىگىنە يە بولادى.

ەنەرگياسەرۆيستىك كەلىسىمشارت جاساسقان جاعدايدا قارجىلىق شىعىنداردىڭ كوپ بولىگىن وزىنە ەنەرگياسەرۆيستىك كومپانيا جۇكتەيدى. جوبانى جۇزەگە اسىرۋعا كەتكەن بارلىق شىعىندار ەنەرگيا رەسۋرستارىن قول جەتكىزىلگەن ۇنەمدەۋ ەسەبىنەن تولتىرىلادى.

بۇدان بولەك، دۇنيەجۇزىلىك بانكتىڭ "قازاقستاندا ەنەرگيا تيىمدىلىگىن ارتتىرۋ" جوباسى شەڭبەرىندە 5 الەۋمەتتىك ماڭىزى بار نىسان جاڭعىرتىلدى. ولاردىڭ ىشىندە وسكەمەن قالاسىنداعى بالاباقشا، ورال قالاسىنىڭ اۋدانارالىق تۋبەركۋلەزگە قارسى اۋرۋحاناسى جانە وبلىستىق تۋبەركۋلەز ءساناتوريى، سونداي-اق قاراعاندى جانە قىزىلوردا وبلىستارىنداعى مەكتەپتەر بار.

سوڭعى جاڭالىقتار

قازاقستاندا دوللار ارزاندادى

ەكونوميكا • بۇگىن، 11:40

ء"تىل قورعاندارى" توبى قۇرىلدى

رۋحانيات • بۇگىن، 09:45

جۇرت جارمەڭكەنى كۇتۋدە

ايماقتار • بۇگىن، 08:26

قىستان قىسىلماۋ ءۇشىن

قوعام • بۇگىن، 08:25

«بەتپەردەلى» پەندەلەر

رۋحانيات • بۇگىن، 08:05

شىنىقتىرۋدىڭ شەبەرى

قوعام • بۇگىن، 08:03

قازاقتىڭ پەيىلىنە قايران قالام!..

رۋحانيات • بۇگىن، 07:37

COVID-19: قاي ەلدەردە ساقتاندىرۋ بار؟

كوروناۆيرۋس • بۇگىن، 07:31

مۇراعاتتار مۇڭ شاعادى

قوعام • بۇگىن، 07:30

ساحنانىڭ ءسانى كىردى

ونەر • بۇگىن، 07:26

دياس جارىستان شىعىپ قالدى

تەننيس • بۇگىن، 07:22

يتالياعا بەت الدى

سپورت • بۇگىن، 07:21

ەستافەتا باعىتى جاريالاندى

سپورت • بۇگىن، 07:19

اۋىلدا پالما اعاشى وسەدى

وقيعا • بۇگىن، 07:14

قارامەڭدىدەگى قارتتار ورتالىعى

ايماقتار • بۇگىن، 07:13

العاشقى دەبات ءوتتى

الەم • بۇگىن، 07:12

«اقىلدى» ايماقتار

تەحنولوگيا • بۇگىن، 07:04

ۇقساس جاڭالىقتار