تۇركىستان وبلىسىندا "ەگىستىكتەن سورەگە دەيىن" پيلوتتىق جوباسى باستالادى

ايماقتار • 11 تامىز، 2020

تۇركىستان وبلىسىندا "ەگىستىكتەن سورەگە دەيىن" پيلوتتىق جوباسى باستالادى

46 رەت كورسەتىلدى

"تۇركىستان" الەۋمەتتىك كاسىپكەرلىك كورپوراتسياسى قر پرەزيدەنتى قاسىم-جومارت توقاەۆتىڭ تاپسىرماسىمەن ىسكە اسقالى وتىرعان "ەگىستىكتەن سورەگە دەيىن" جوباسى ارقىلى كاسىپكەرلەردى قارجىلاندىرۋ شارتتارى تۋرالى تۇسىندىرمە جۇمىستارىن جۇرگىزۋدى باستادى، - دەپ حابارلايدى Egemen.kz

دينار كەرىم

بۇگىن تۇركىستاندا اۋىل شارۋاشىلىعى باسقارماسى، "تۇركىستان" اكك" اق، "اتامەكەن" ۇكپ، "وڭتۇستىك" ايو وكىلدەرىنىڭ جانە وبلىس كاسىپكەرلەرىنىڭ قاتىسۋىمەن"«ەگىستىكتەن سورەگە دەيىن" پيلوتتىق جوباسىن تالقىلاۋعا ارنالعان كەزدەسۋ ءوتتى. باسقوسۋدا قاتىسۋشىلار جوبانىڭ نەگىزگى ماقساتى مەن شارتتارىن كەڭىنەن تالقىلادى.

باعدارلامانىڭ باستى ماقساتى – ەلدەگى فەرمەرلەرگە وزدەرى وندىرگەن ونىمدەرىن ارتىق شىعىنسىز جانە ەشبىر كەدەرگىسىز ساۋدالاۋعا مەيلىنشە كومەكتەسۋ. بۇگىندە وسىعان بايلانىستى "تۇركىستان" اكك ماماندارى وبلىستاعى كاسىپكەرلەرگە جوبانىڭ شارتتارىن ءتۇسىندىرىپ، قۇجاتتاردى جيناقتاۋ بويىنشا ءتيىستى جۇمىستاردى جۇرگىزۋدە. نەسيەلەۋ ەرەجەلەرىنە سايكەس نەسيەنى راسىمدەۋدىڭ جالپى مەرزىمى 10 كۇننەن اسپايدى، ال جىلدىق پايىزدىق مولشەرلەمەسى 0،01% قۇرايدى. بۇل رەتتە نەسيە شارتى وتەۋ، جەدەلدىك جانە ماقساتتى پايدالانۋ كەلىسىمىمەن جاسالادى. سونداي-اق، تاۋاردى ساتىپ الۋ جانە ساتۋ بارىسى تىزىمدەگى بەلگىلى ءبىر ءونىمنىڭ تۇرىنە بايلانىستى جۇزەگە اسىرىلادى.

ايتا كەتۋ كەرەك، تۇركىستان وبلىسى اگروونەركاسىپ كەشەنىن دامىتۋ جاعىنان جەتەكشى رولدە جانە اتالعان سالانى وركەندەتۋدە ەرەكشە الەۋەتكە يە. الايدا، دايىن ءونىمدى ساتۋعا كەلگەندە بىرقاتار كەدەرگىلەر بار ەكەنى جاسىرىن ەمەس. اتاپ ايتقاندا، تاۋاردى وتكىزەتىن تۇراقتى ارنالار جوق، وتكىزۋ نارىقتارى شەكتەۋلى جانە يمپورتتالاتىن ونىمدەرگە بايلانىستى باسەكەلەستىك وتە جوعارى. مىنە، وسى كەدەرگىلەرمەن كۇرەسۋ ماقساتىندا ۇكىمەت كاسىپكەرلەرگە قارجىلاندىرۋ ارقىلى قولداۋ كورسەتەتىن "ەگىستىكتەن سورەگە دەيىن" جوباسىن ۇسىنىپ وتىر.

ەگەر جوبا جۇزەگە اساتىن بولسا، شارۋالاردىڭ جانە فەرمەر قوجالىقتارىنىڭ جۇمىسى جۇيەلەنە ءتۇسىپ، اۋىل ايماقتاردا تۇراتىن حالىقتىڭ الەۋمەتتىك جاعدايى جاقسارا تۇسەدى دەپ جوسپارلانۋدا.