بيىلعى 7 ايدىڭ قورىتىندىسى بويىنشا جالپى اۋىل شارۋاشىلىعى ءونىمىنىڭ كولەمى 2,5%-عا ۇلعايىپ, 1,7 ترلن تەڭگەنى قۇرادى. مينيستر حابارلاعانداي, بۇل ءوسىم نەگىزىنەن مال شارۋاشىلىعىنداعى ءوندىرىس كولەمىنىڭ 2,6%-عا, ونىڭ ىشىندە ءتىرى سالماقتاعى ەتتىڭ 3,6%-عا, ءسۇتتىڭ 3%-عا ۇلعايۋى ەسەبىنەن قامتاماسىز ەتىلدى. وبلىستار بولىنىسىندە رەسپۋبليكالىق دەڭگەيدەن جوعارى قارقىن باتىس قازاقستان, اقتوبە, قاراعاندى, سولتۇستىك قازاقستان جانە اقمولا وبلىستارىندا بايقالدى. 6 ايدىڭ قورىتىندىسى بويىنشا ءىرى قارا مال سانى 4,5%-عا, قوي سانى 2,5%-عا, جىلقى سانى 8,5%-عا, تۇيە سانى 4%-عا, شوشقا سانى 0,7%-عا ءوستى.
«بۇگىنگى تاڭدا اقتوبە, الماتى, شىعىس قازاقستان, جامبىل, باتىس قازاقستان, قىزىلوردا جانە تۇركىستان وبلىستارىندا ءداندى داقىلداردى جاپپاي جيناۋ جۇرگىزىلىپ جاتىر», — دەدى مينيستر.
بيىلعى 10 تامىزداعى جاعداي بويىنشا 929,4 مىڭ گا نەمەسە ەگىنى جينالۋى ءتيىس القاپتىڭ 37,3%-ى جينالدى. ورتاشا تۇسىمدىلىك گەكتارىنا 19,1 تسەنتنەردى قۇراپ, 1,8 ملن توننا ءداندى داقىل باستىرىلدى (وتكەن جىلى وسىنداي كۇنگە 1,4 ملن توننا باستىرىلعان بولاتىن). سونىمەن قاتار, رەسپۋبليكانىڭ نەگىزگى ەگىن ەگۋشى وڭىرلەرى دە جاڭا ەگىن كولەمىن جيناۋعا كىرىسىپ كەتتى (93,3 مىڭ گا نەمەسە كورسەتىلگەن وڭىرلەر الاڭدارىنىڭ 0,8%-ى جينالدى). سولتۇستىك وڭىرلەر جاپپاي ەگىن جيناۋدى 20 تامىزعا قاراي باستايتىن بولادى.
«سونىڭ ناتيجەسىندە 7 ايدىڭ قورىتىندىسى بويىنشا وسىمدىك شارۋاشىلىعىندا جالپى ءونىم كولەمى 2,1%-عا ۇلعايىپ, 242 ملرد تەڭگەنى قۇرادى. كورسەتىلگەن مەرزىمدە ازىق-ت ۇلىك ونىمدەرى ءوندىرىسىنىڭ كولەمى 4,1%-عا ءوسىپ, 1 064 ملرد تەڭگەنى قۇرادى. بۇل رەتتە, وڭدەلگەن كۇرىش ءوندىرىسى 72 مىڭ توننادان 122,4 مىڭ تونناعا دەيىن 70%-عا ۇلعايدى», — دەدى س. وماروۆ.
سونداي-اق شۇجىق ونىمدەرى ءوندىرىسىنىڭ 21,5%-عا, جارمانىڭ 11,8%-عا, ماكاروننىڭ 8,1%-عا, سارى مايدىڭ 8%-عا, ۇننىڭ 6,5%-عا, وسىمدىك مايىنىڭ 4,9%-عا, قىشقىل ءسۇت ونىمدەرىنىڭ 4,7%-عا, ىرىمشىك پەن سۇزبەنىڭ 1,9%-عا ارتقانى بايقالادى.
اۋىل شارۋاشىلىعىنىڭ نەگىزگى كاپيتالىنا سالىنعان ينۆەستيتسيالار 13,5%-عا ۇلعايىپ, 261,2 ملرد تەڭگەنى, ازىق-ت ۇلىك ونىمدەرى وندىرىسىنە سالىنعان ينۆەستيتسيالار 13,8%-عا ارتىپ, 45,7 ملرد تەڭگەنى قۇرادى.
