دارىگەرلەردىڭ ايتۋىنشا, كاۆاساكي - ينفەكتسيالىق اۋرۋلاردىڭ سالدارىنان جۇرەك قان تامىرلارىنىڭ قابىنۋى. ياعني, نەگىزدى قوزدىرعىشى ۆيرۋستىق جانە باكتەريالىق اۋرۋلار.
سيندروم بەلگىلەرى ينفەكتسيالىق اۋرۋمەن ناۋقاستانعاندا نەمەسە, ارادا 3-4 اي وتكەندە بايقالادى. ماماندار اۋرۋدىڭ بۇل تۇرىنە كوروناۆيرۋستىڭ ىقپالى بار ەكەنىن ايتىپ وتىر. اسىرەسە, بالالار اراسىندا ءجيى كەزدەسۋى مۇمكىن. دەسە دە, اۋرۋ ادامنان ادامعا جۇقپايدى.
اسقىنعان جاعدايدا ەڭ ۇلكەن اورتا تامىرى جارىلىپ, جۇرەك ۇستاماسىنا اكەلۋى عاجاپ ەمەس. اۋرۋدى بىردەن انىقتاۋ مۇمكىن ەمەس. ول ءۇشىن ەكگ, ۋلترادىبىستىق زەرتتەۋ جاساپ, قان سىنامالارىن تاپسىرۋ كەرەك.
اۋرۋ باستالعان كەزدە ناۋقاستىڭ دەنە قىزۋىنان بولەك, قانى قويۋلانادى. كەي ادامداردا قالتىراۋ, ءىش ءوتۋ, قۇسۋ, جوتەل پايدا بولۋى مۇمكىن. ينفەكتسيونيتستەر اسىرەسە كوروناۆيرۋسپەن ناۋقاستانعاندار مىندەتتى تۇردە كارديولوگتىڭ كەڭەسىن العان ءجون دەپ سانايدى.
