پارلامەنت • 11 تامىز، 2020

الەۋمەتتىك ماسەلەلەر باستى نازاردا

9 رەت كورسەتىلدى

سەنات دەپۋتاتى س.ايتپاەۆا اقمولا وبلىسىنداعى ساپارى بارىسىندا جاقسى اۋىلىنىڭ ورتالىق اۋرۋحاناسىنىڭ جۇمىسىمەن تانىستى.

سەناتور ۆيرۋسپەن كۇرەسۋگە تارتىلعان مەديتسينا قىزمەتكەرلەرى قورعانىس قۇرالدارىمەن تۇگەل قامتاماسىز ەتىلۋى ءتيىس ەكەنىن اتاپ ءوتتى. مەملەكەتتىك ورگاندار وكىلدەرىمەن اڭگىمە بارىسىندا س.ايتپاەۆا وڭىردە ىسكە اسىرىلىپ جاتقان بارلىق باعدارلامالاردى ءتيىمدى ورىنداۋ قاجەتتىگىن ءسوز ەتتى. ساۋلە ايتپاەۆا، سونداي-اق ءوڭىردىڭ بىرنەشە مەكتەپتەرىندە بولىپ، وقۋ ورىندارىنىڭ الداعى وقۋ جىلىندا قاشىقتان وقىتۋ فورماتىنا قانشالىقتى دايىن ەكەندىگىن ءبىلدى.

 * * *

سەناتورلار – د. نوكەتاەۆا مەن ن.ءجۇسىپ الماتى قالاسىنداعى ارنايى الەۋمەتتىك قىزمەتتەردى كورسەتۋ ورتالىعىندا بولدى. بۇل ورتالىق پسيحونەۆرولوگيالىق پاتولوگياسى بار مۇگەدەك بالالارعا مىندەتتى قىزمەت تۇرلەرىن كورسەتەدى. مۇندا 3 جاستان 18 جاسقا دەيىنگى كەمتار بالالارعا ارنايى الەۋمەتتىك كومەك كورسەتۋدىڭ كەشەندى شارالارى تولىق قامتىلعان. قازىر ورتالىقتا 123 بالا بار، ولار التى جالپى توپقا بولىنگەن. دەپۋتاتتار ورتالىق جۇمىسىمەن تانىسا كەلە مۇنداي مەكەمەلەردە قاجەتتى كومەكتىڭ بارلىق سپەكترى قامتىلۋى ءتيىس ەكەنىن اتاپ ءوتتى.

 * * *

ءماجىلىس دەپۋتاتى س.وتەباەۆ جۇمىس ساپارىمەن ماڭعىستاۋ وبلىسىنا بارىپ، الەۋمەتتىك ماڭىزدى نىسانداردى ارالاۋمەن قاتار، كاسىپكەرلىك سالاسىنا ايرىقشا نازار اۋداردى. دەپۋتاتقا بيزنەس سالاسىنىڭ 37 ءتۇرى بويىنشا 1200 ورتا جانە شاعىن بيزنەس نىساندارى جۇمىسىن توقتاتقانى تۋرالى ايتىلدى. سونىڭ سالدارىنان 2 مىڭعا جۋىق ادام جۇمىسسىز قالعان. وبلىستا ورتا ەسەپپەن ءوندىرىس كولەمى 18% كەمىگەن. كارانتين سالدارىنان ازىق-ت ۇلىك ەمەس نىسانداردىڭ جۇمىستارى توقتاعان.

 * * *

سەنات دەپۋتاتى م.باقتيار ۇلى قىزىلوردا وبلىسىنىڭ قازالى اۋدانىنا باردى. قازىرگى تاڭدا مۇندا «جۇمىسپەن قامتۋدىڭ جول كارتاسى-2020-2021» مەملەكەتتىك باعدارلاماسى بويىنشا قۇنى 3 ملرد تەڭگەدەن استام قارجىنى قۇرايتىن 42 جوبا ىسكە اسىرىلىپ جاتىر. ساپار بارىسىندا سەناتور اۋداننىڭ بىرنەشە مەكتەپ پەن بالاباقشانىڭ قۇرىلىسىمەن تانىسىپ، شالعايدا ورنالاسقان ەلدىمەكەندەردى گازبەن قامتۋ جۇمىستارىنىڭ اۋقىمىنا نازار اۋداردى. بۇدان بولەك، سەناتور ايماققا ساپارى كەزىندە اۋدان ورتالىعىنداعى تەمىر-بەتون زاۋىتىنىڭ جۇمىسىمەن تانىستى. ءوز كەزەگىندە كاسىپورىن باسشىلىعى زاۋىت وندىرەتىن ونىمدەرگە سۇرانىس جوعارى ەكەنىن ايتتى.

 * * *

سەناتور ل.سۇلەيمەن ءدارى-دارمەككە قاتىستى قاراعاندى وبلىسىنداعى احۋالدى باقىلاۋعا الدى. وڭىرگە جاساعان ساپارىندا ول جەرگىلىكتى اۋرۋحانالارعا، پروۆيزورلىق ورتالىقتارعا، ءدارىحانا جەلىلەرىنىڭ قويمالارىنا بارىپ، مەديتسينالىق قىزمەتكەرلەرمەن جانە ەمدەلۋشىلەرمەن كەزدەستى. جەرگىلىكتى تۇرعىندار سەناتوردىڭ نازارىن مەديتسينا قىزمەتكەرلەرىنە لايىقتى جاعداي جاساۋ، ولاردى باسپانامەن قامتۋ ماسەلەسىنە اۋداردى. ودان بولەك، ول ساتباەۆ جانە جەزقازعان قالالارىنا بارىپ، مەملەكەتتىك باعدارلامالاردىڭ جۇزەگە اسىرىلۋ بارىسىمەن تانىستى. سەناتورمەن كەزدەسكەن ايماق تۇرعىندارى پەدوفيلدەرگە جانە سىبايلاس جەمقورلىق قۇقىق بۇزۋشىلىقتارعا قاتىستى زاڭنامانى كۇشەيتۋ تۋرالى ماسەلەنى قاراۋدى ۇسىندى.

 * * *

سەنات دەپۋتاتى ر.ابدىكەروۆتىڭ قاراعاندى وبلىسىنا جۇمىس ساپارى وساكاروۆ اۋدانىمەن جالعاستى. اتالعان اۋداندا «اۋىل – ەل بەسىگى» جانە «جۇمىسپەن قامتۋدىڭ جول كارتاسى» مەملەكەتتىك باعدارلامالارى اياسىندا 40-تان استام جوبا ىسكە اسىرىلىپ جاتىر. بۇعان 3 ملرد تەڭگە شاماسىندا قاراجات ءبولىنىپ، 210-عا جۋىق جەرگىلىكتى تۇرعىن جۇمىسپەن قامتىلعان.

سەناتور جاڭا وقۋ جىلىندا قاشىقتان وقىتۋ فورماتى جالعاساتىنىن ەسكەرىپ، ءبىلىم بەرۋ ۇدەرىسىن قامتاماسىز ەتەتىن ينتەرنەت بايلانىسىنىڭ ساپاسىنا، سونىمەن قاتار اۋدانداعى مەديتسينالىق مەكەمەلەردىڭ جانە ءدارىحانالاردىڭ جۇمىسىنا، اسا قاجەتتى ءدارى-دارمەكتەردىڭ جەتكىلىكتى ەكەنىنە كوڭىل ءبولدى. سونداي-اق ول جانسارى اۋىلىندا ورنالاسقان بيە سۇتىنەن قۇرعاق ۇنتاق وندىرەتىن كاسىپورىنعا ات باسىن بۇردى. بۇل جەردە 150 ادام جۇمىسپەن قامتىلعان.

 

سوڭعى جاڭالىقتار

ەل گازەتىنىڭ جاڭا جوباسى

وقيعا • بۇگىن، 08:05

ءبىلىم – باستى قۇندىلىق

ايماقتار • بۇگىن، 07:40

ءاسانالى جانە «اي مەن ايشا»

تانىم • بۇگىن، 07:26

حاتتار، حاتتار...

تانىم • بۇگىن، 07:08

«قاراقشىلىق» قارەكەتى

تانىم • بۇگىن، 06:56

قۇمىرسقالار قالاشىعى

وقيعا • بۇگىن، 06:45

كاسىپورىنداردىڭ تيىمدىلىگى ارتادى

تەحنولوگيا • بۇگىن، 06:33

جۇمىسپەن قامتۋ – باستى مىندەت

ساياسات • بۇگىن، 06:28

ابدىراماي العا ۇمتىلعاندار

ايماقتار • بۇگىن، 06:16

ەل دامۋىنا سەرپىن بەرەدى

پىكىر • بۇگىن، 06:06

كوسوبۋتسكيدىڭ قارسىلاسى كىم؟

كاسىپقوي بوكس • بۇگىن، 06:00

شىعىسقا قار ءتۇستى

ايماقتار • كەشە

ۇقساس جاڭالىقتار