ەلوردا • 10 تامىز، 2020

نۇر-سۇلتاندا كارانتين ءتارتىبىن بۇزۋشىلارعا ايىپپۇل سالىندى

21 رەت كورسەتىلدى

مونيتورينگ توپتارى سانيتارلىق-ەپيدەميالىق نورمالاردى ساقتاۋ بويىنشا رەيدتەردى جالعاستىرۋدا. بۇل تۋرالى ەلوردا اكىمدىگىنىڭ رەسمي سايتى.

نۇر-سۇلتاندا 7-9 تامىز ارالىعىندا مونيتورينگ توپتارى كارانتين ءتارتىبىن بۇزۋدىڭ بىرقاتار دەرەكتەرىن انىقتادى. 7 تامىزداعى رەيد بارىسىندا "گاۋحارتاس" مەيرامحاناسى مەن "وريەنت كلاب" سپا-سالونىندا كارانتين رەجىمى ساقتالماعانى انىقتالدى. ولارعا ايىپپۇل سانكتسيالارى سالىندى.

9 تامىزدا مونيتورينگ توبى كەشكى ارالاۋ بارىسىندا پوليتسيا قىزمەتكەرلەرىمەن جانە ەسىل اۋدانىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ وكىلدەرىمەن بىرلەسىپ Tequila لاۋندج-بارىندا جانە "گينزا" مەيرامحاناسىندا كارانتين رەجيمى بۇزىلعانىن انىقتادى. ءتارتىپ ساقشىلارى ءتۇسىندىرۋ جۇمىستارىن جۇرگىزىپ، وسى نىسانداردىڭ باسشىلارىنان تۇسىنىكتەمە الىندى.

سونداي-اق، تەكسەرۋشىلەر "حالىقتىڭ سانيتارلىق-ەپيدەميالىق سالاۋاتتىلىعى سالاسىنداعى زاڭناما تالاپتارىن بۇزۋ" بابى بويىنشا ماتەريالداردى بەرۋ جانە اكىمشىلىك حاتتامانى رەسىمدەۋ ءۇشىن بايانات جاسادى. بايقوڭىر اۋدانىن ارالاۋ ناتيجەسىندە "پاناەحالي" بارىندا جانە "ناليۆالي" دۇكەنىندە ءتارتىپ بۇزۋشىلىق انىقتالدى. ءموبيلدى توپ مۇشەلەرى نىسانداردىڭ مەنشىك يەلەرىمەن بۇزۋشىلىقتاردى جويۋ تۋرالى تۇسىندىرمە وتكىزدى.

سوڭعى جاڭالىقتار

ەلورداعا قارجى قۇيۋعا نيەتتى

ەلوردا • بۇگىن، 16:50

ۇقساس جاڭالىقتار