قازىرگى تاڭدا مۇندا "جۇمىسپەن قامتۋدىڭ جول كارتاسى-2020-2021" مەملەكەتتىك باعدارلاماسى بويىنشا قۇنى 3 ملرد تەڭگەدەن استام قارجىنى قۇرايتىن 42 جوبا ىسكە اسىرىلىپ جاتىر. ساپار بارىسىندا سەناتور اۋداننىڭ بىرنەشە مەكتەپ پەن بالاباقشانىڭ قۇرىلىسىمەن تانىسىپ, شالعايدا ورنالاسقان ەلدىمەكەندەردى گازبەن قامتۋ جۇمىستارىنىڭ اۋقىمىنا نازار اۋداردى.
"جۇمىسپەن قامتۋدىڭ جول كارتاسى" باعدارلاماسى بويىنشا ايتارلىقتاي قاراجات ءبولىندى. باستى ماقسات – جاڭا جۇمىس ورىندارىن اشۋ ارقىلى حالىقتى جۇمىسپەن قامتاماسىز ەتۋ. سونىڭ اياسىندا جول, مەكتەپ, اۋرۋحانا, ەمحانا, مادەنيەت ۇيلەرى جوندەلىپ, اۋلالار مەن اۋىلدار اباتتاندىرىلادى. سوندىقتان بولىنگەن قاراجات ورىندى ءارى ءتيىمدى جۇمسالۋى كەرەك", – دەدى سەنات دەپۋتاتى.
بۇدان بولەك, سەناتور ايماققا ساپارى كەزىندە اۋدان ورتالىعىنداعى تەمىر-بەتون زاۋىتىنىڭ جۇمىسىمەن تانىستى. ءوز كەزەگىندە كاسىپورىن باسشىلىعى زاۋىت وندىرەتىن ونىمدەرگە سۇرانىس جوعارى ەكەنىن ايتتى.
