ايماقتار • 10 تامىز، 2020

شىمكەنتتە قوس وكپەسى قابىنعان جۇكتى ايەل جازىلىپ كەلەدى

34 رەت كورسەتىلدى

31 جاستاعى گۇلجاۋھار كۋنجۋباەۆا وكپەسىنىڭ 80 پايىزى قابىنىپ، اۋىر حالدە اسار شاعىناۋدانىنداعى جۇقپالى اۋرۋلار ورتالىعىنا تۇسكەن. دارىگەرلەر جۇكتى كەلىنشەكتى بىردەن جانساقتاۋ بولىمىنە جاتقىزادى، - دەپ حابارلايدى Egemen.kz.

قانداعى وتتەگى مولشەرى تىم از بولعاندىقتان، 15 كۇن بويى وكپەنى جەلدەتۋ اپپاراتىمەن تىنىس العان. وسى ۋاقىت ىشىندە جانساقتاۋ بولىمىندەگى ماماندار شاراناسى بار ايەلدىڭ ساۋلىعى ءۇشىن كۇرەسىپ، وڭ ناتيجەگە قول جەتكىزدى.

جۇكتى ايەلدىڭ دەنساۋلىعى ون التىنشى كۇنى جاقسارىپ، پالاتاعا اۋىستىرىلدى. بۇگىندە بولاشاق انا وزدىگىنەن تىنىس الىپ جاتىر.

“قازىر جاعدايىم جاقسى. بارلىعىڭىزعا العىس ايتامىن. ءاردايىم ك ۇلىمدەپ، جانىمدى جىلى سوزبەن ەمدەگەن دارىگەرلەرگە العىسىم شەكسىز”، - دەيدى گۋلجاۋھار كۇنجۋباەۆا.

جۇكتى كەلىنشەك ءبىر ايدان اسا ۋاقىتتان بەرى اسار شاعىناۋدانىنداعى جۇقپالى اۋرۋلار اۋرۋحاناسىنداعى دارىگەرلەردىڭ باقىلاۋىندا. ماماندار اناسى مەن شارانانىڭ جاعدايى جاقسى ەكەنىن جەتكىزدى.

"ناۋقاس 6 شىلدە كۇنى اۋرۋحاناعا تۇسكەن. قازىر جۇكتىلىكتىڭ - 29 اپتاسىندا. قۇرساعىنداعى بالانىڭ جاعدايى  جاقسى. تولىق ەم قابىلداۋدا. ەندى انتيبيوتيكتەرىن ازايتىپ، وتتەگى بەرەتىن اپپاراتسىز دەم الۋدى ۇيرەتىپ جاتىرمىز"، - دەيدى دارىگەر-گينەكولوگ نۇرجامال كوشەنوۆا.

سوڭعى جاڭالىقتار

ۇقساس جاڭالىقتار