قازاقستان • 08 تامىز، 2020

اسكەري دارىگەرلەر زارداپ شەككەندەرگە كومەك كورسەتۋ ءۇشىن ليۆانعا ۇشادى

47 رەت كورسەتىلدى

كەشە قر پرەزيدەنتى – قك باس قولباسشىسى قاسىم-جومارت توقاەۆ قورعانىس مينيسترىنە ليۆانعا اسكەري مەديتسينا ماماندارىن جىبەرۋ تۋرالى ماسەلەنى شەشۋدى تاپسىردى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلايدى، دەپ جازادى Egemen.kz

7 تامىزدا قر پرەزيدەنتى – قر قك باس قولباسىشىسىنىڭ تاپسىرماسىن ورىنداۋ ماقساتىندا قر قارۋلى كۇشتەرىنىڭ جەكە قۇرامىنىڭ اراسىنان قۇرالعان 29 مەديتسينا مامانى مەن 4 اۋدارماشى بار توپ نۇر-سۇلتان – اقتاۋ باعىتى بويىنشا ۇشتى. 8 تامىز كۇنى تاڭەرتەڭ بەيرۋت پورتىندا جارىلىس ناتيجەسىندە زارداپ شەككەندەرگە مەديتسينالىق كومەك كورسەتۋ ءۇشىن قر قك اۋە قورعانىس كۇشتەرى اسكەري-ترانسپورتتىق اۆياتسيا ۇشاعى اقتاۋ – بەيرۋت باعىتى بويىنشا ۇشتى.

4 تامىزدا ليۆان اسكەري-تەڭىز كۇشتەرىنىڭ بازاسىنا جاقىن ورنالاسقان بەيرۋت پورتىنىڭ ماڭىندا قۋاتتى جارىلىس بولىپ، 150-تان كەم ەمەس ادام قازا بولعانى بەلگىلى. بەس مىڭعا جۋىق ادام جاراقات الدى، الايدا اۋرۋحانالار تولى بولعاندىقتان زارداپ شەككەندەر ستاتسيونار جاعدايىندا ەم قابىلداي المايدى.

قازاقستان رەسپۋبليكاسىنداعى COVID-19-بەن بايلانىستى جاعدايدى ەسكەرە وتىرىپ، توپ قۇرامىنا ينفەكتسيونيست جانە تەراپەۆت دارىگەرلەر قوسىلمادى. توپ قۇرامىنا جوعارى بىلىكتى حيرۋرگتار، تراۆماتولوگتار، نەيروحيرۋرگتەر، انەستەزيولوگ-رەانيماتولوگتار، سونداي-اق حيرۋرگيالىق بەيىندەگى ورتا مەديتسينالىق پەرسونالدار بار. ولاردىڭ كوپشىلىگى اعىلشىن ءتىلىن جەتىك مەڭگەرگەن.

اسكەري مەديتسينا قىزمەتكەرلەرىنىڭ ماقساتى زارداپ شەككەندەرگە بىلىكتى مەديتسينا كومەك كورسەتۋ بولىپ تابىلادى.

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

ۇقساس جاڭالىقتار