ايماقتار • 08 تامىز، 2020

ماڭعىستاۋدا قالتاعا قول سۇعۋشىلار ازايماي تۇر

60 رەت كورسەتىلدى

جىل باسىنان بەرى ماڭعىستاۋ وبلىسى پوليتسيا دەپارتامەنتىنىڭ كريمينالدىق پوليتسيا باسقارماسى قالتا ۇرلىعىنا قاتىستى 13 قىلمىستى اشتى. بۇل تۋرالى Polisia.kz-كە سىلتەمە جاساي وتىرىپ Egemen.kz حابارلايدى. 

پوليتسيا قىزمەتكەرلەرى كوشەلەردە جانە قوعامدىق ورىنداردا ۇرلىقتىڭ الدىن الۋ بويىنشا پروفيلاكتيكالىق ءتۇسىندىرۋ ءىس-شارالارىن جۇرگىزەدى، بۋكلەتتەر تاراتادى جانە ولاردى ادامدار كوپ جينالاتىن ورىندارعا ىلەدى.

جاڭاوزەن قالاسىنىڭ كەزەكشى بولىمىنە 21 جاستاعى جەرگىلىكتى تۇرعىن قالتا ۇرلىعى تۋرالى ارىزدانعان. ازاماتشا پوليتسەيلەرگە كوشەدە بەلگىسىز بىرەۋ ءاميانىن سومكەسىنەن ۇرلاپ، وقيعا ورنىنان قاشىپ كەتكەنىن ايتتى.

اتالعان فاكتى بويىنشا قىلمىس بەلگىلەرىنە بايلانىستى قىلمىستىق ءىس قوزعالدى. جەدەل-ىزدەستىرۋ ءىس-شارالارىن جۇرگىزۋ ناتيجەسىندە قىلمىستىق ىزدەستىرۋ ءبولىمىنىڭ جەدەل ۋاكىلدەرى كۇدىكتىنى انىقتادى.

ول پوليتسيا ەسەبىندە تۇرعان اتىراۋ قالاسىنىڭ 29 جاستاعى جۇمىس ىستەمەيتىن تۇرعىنى بولىپ شىقتى. تەرگەۋ بارىسىندا ۇستالعان ادامنىڭ تاعى ءبىر ۇرلىققا قاتىسى بار ەكەنى انىقتالدى. جاڭاوزەن تۇرعىنى پوليتسياعا ۇرلىق تۋرالى ارىزدانعان. بەلگىلى بولعانداي، قاسكۇنەم تەرەزەنى كۇشتەپ اشىپ، پاتەرگە كىرەدى.

ءسويتىپ شكافتا ساقتالعان 16 التىن اشەكەيدى ۇرلاپ كەتكەن. جابىرلەنۋشىگە كەلتىرىلگەن شىعىن – 2 ميلليون تەڭگە. جاۋاپ الۋ كەزىندە ول قىلمىسىن مويىندادى.

تەرگەۋ ءىس-ارەكەتتەرىن جۇرگىزۋ بارىسىندا ۇرلانعان زاتتار كۇدىكتىدەن تاركىلەنىپ، قىلمىستىق ءىس ماتەريالدارىنا زاتتاي ايعاق رەتىندە قوسىلدى. ماتەريال سوتقا جىبەرىلدى.

– ءوز مۇلكىڭىزگە مۇقيات بولىڭىز! قالتا ۇرلىعى سياقتى قىلمىستىڭ قۇربانى بولماس ءۇشىن، زاتتاردى سەنىمدى جەرلەردە، ىشكى قالتالاردا نەمەسە تۇيمەسى بار قالتادا ساقتاعان ءجون. ەشبىر جاعدايدا قۇندى زاتتاردى جەڭىل قولجەتىمدى كيىم قالتاسىنا، ريۋكزاكتىڭ قالتاسىنا، سونداي-اق سومكەنىڭ ءبۇيىر قالتاسىنا سالۋعا بولمايدى، – دەپ ەسكەرتەدى پوليتسيا دەپارتامەنتىنىڭ باستىعى جاناربەك باقتىباەۆ.

ەگەر ۇرى ادامنان بىردەڭە ۇرلاعىسى كەلەتىن بولسا جانە ونىڭ اينالاسىنداعى ادامداردار ەشكىم ونى بايقامايتىن بولسا، مۇنداي جاعدايدا اينالاسىنداعى ادامداردىڭ نازارىن اۋدارىپ، قۇندى زاتتى كىمنىڭ ۇرلاعىسى كەلەتىنىن كورسەتكەن دۇرىس.

پوليتسەيلەر ەگەر قالتا ۇرلىق ورىن الىپ جاتسا، ۇرىنى اقىل-سانالى ازاماتتار ۇستاعان بولسا، بىراق، وكىنىشكە وراي، جاقىن ماڭدا پوليتسيا قىزمەتكەرلەرى بولماسا، ەڭ الدىمەن، ۇرىنىڭ العان زاتتارىنان قۇتىلىپ كەتپەۋىن شارالار قابىلداۋ، جابىرلەنۋشىنى، كۋاگەرلەردىڭ شەڭبەرىن انىقتاپ، ىشكى ىستەر ورگاندارىنا “102” تەلەفونى ارقىلى شۇعىل قوڭىراۋ شالۋ كەرەكتىگىن ايتادى. 

سوڭعى جاڭالىقتار

اشىقتىق – قوعام دامۋىنىڭ كەپىلى

ايماقتار • بۇگىن، 13:00

دوللار قايتا قىمباتتادى

ەكونوميكا • بۇگىن، 12:18

قايران قالدىرعان قايىڭدى

فوتوگالەرەيا • بۇگىن، 11:56

ۇقساس جاڭالىقتار